Oshilandopangelo osha taatelwa komhumbwe yomeva

0
285

 

WINDHOEK – Omolwodula ya ninga efimbo hai loko omilova eedula da lambafana, omhumbwe yomeva moshilando shaWindhoek nande ya tameka 2006, paife oya uka nayi . Edi, oda kolekwa komunambelewa omupopili ko woshilando sha Windhoek, Joshua Amukugo.

Amukugo okwa twikila noku kunghilila ovakalimo aveshe moWindhoek va hepeke omeva, va ndalapatele omeva efiku keshe. Amukugo okwa ti, ngeenge ovakalimo moshilando itava kwata nawa omeva , otashi ka fininika  elelo loshilando shaWindhoek li ninge etokolofaneko lokundaabula ondado yomeva opo elelo li dule oku kwatela po omeva. Ota ti, ovakali moWindhoek ova longifa omeva mahapu sha pitilila, shaashi omevaa a li afanekwa taa longifwa muSepteba okwa longifwapo nale muAguste.Pefimbo eli omeva oo a nuninwa okulongifwa muKotoba otaku kundanekwa nokutya oo taa longifwa nale momwedi ou.Okwa ti eshi otashi ulike nokutya eenghedabala oku kumaida ovaVenduka va hupife omeva inandi udika.Onghee oshiwana shomoshilandopangelo inashi xupifa omeva ngaashi kwa li sha indilwa shishi  ninge.

Omunambelewa okwa lombwela Kundana kutya, onhengenekofaneko yomeva, e li moikwatelwa yomeva paife, otaa longifwa fiyo okuAguste 2016, ashike ngeenge odula inai loka neudo, nena omeva e li moikwatelwa otaa ka pwamo.Ishewe ngeenge oshiwana osho sha hapupala moshilandopangelo itashi kwata nawa omeva otahsi ndulika omeva oo elipo a ka pwepo diva.Okwa wedapo a ti  Ovenduka konyala oili pokuhnaga pondondo yomuvalu wovanhu tava hale okuya pomayovi omafele 400. Vahapu vomuvo ohava tembukile ile oha ve uya koshilandopangelo molwasho oko kuna eembonge doholomende, eefikola dopombada, oshoyo ova itavela nokutya moshilando omuna eemhito doilonga dihapu okuyeleka nedoolopa dipe ile odo dishona moitopolwa ya yooloka moshilongo. Okuuyamo kwovanhu oku oko taku twikile moku taneka omwaalu wovakalimo.

Ekunghililo lelelo laVenduka okupitila momupopiliko wa lo ola kuma omunhu keshe umwe ovanamaumbo,oovene veengeheshefa , veefabulika, voutomeno, novomakoshelo omatuwa.  Amukugo ota ti,  nande sha pula oimaliwa ihapu okweeta po omukalo womeva taa futwa noukalata meenhele adishe, elelo loshilando mokweeta po oprojeka  yomalolelo okutula po eepomba domeva taa tekwa noukalata va futa omeva momalukanda eenhulilwa ngaashi moHavana, Ombili, Otjomuise , ovakwashiwana ova teta ominino koshi nomeva okwa hepa naashi oshaa eta ekanifo linene.

Eendama hadi di omeva haa longifwa moWindhoek oVon Bach ili mOkahandja, Swakop Poort Dam, nOmatako Dam. Adishe edi paife  odi li koitako, onghee Amukugo ota pula ovo ve na eengeshefa dokukosha omatuwa, ovo ve na oungwena hava tekelwa, ilo hava kosho oupavement momalukalwa avo, ilo ve na eendama dokuyowa momaluumbo va kwate omeva nawa. Okwa kumaida keshe umwe a kale noshinakuwanifwa shokukwata nawa omeva a ha fiwe vali taa tondoka,ta weda po kutya ovalongifi veeshower otava dulu okulanda eeshower edi ihadi endelelifa omeva unene.

LEAVE A REPLY

Please enter your comment!
Please enter your name here