Taalumbu nombuto yoHIV/AIDS na ya monenwe ekwatho

0
350

 

HALALI – Kansela gwoshikandjohogolo Omuthiya moshitopolwa shaShikoto Armas Amukoto okwali a indile epangelo opo aavu mboka taya lumbu nombuto yoHIV/AIDS, ya mone omakwatho ngoka ya pumbwa unene pethimbo ndika.

Amukoto ndhino okwa li edhi popi pethimbo ta ku dhimbulukiwa oshituthi shesiku lyomapendafule moHalali mEtosha. Aakalimo yomOmuthiya oyali ya dhimbulukwa esiku ndika Olyomakaya ga ziko pamuthika gwoshikandjohogololo.

Kansela okwa li eshi yelitha esiku ndyoka kutya oshikandjohogololo osho shimwe moshitopolwa shaShikoto shina omwaalu gwaantu oyendji taya lumbu nombuto yoHIV, tabti shono oshi ikwatelela komayalulo ngoka gali ga ningwa kUuministeli wUundjolowele.

“Konyala aantu mboka taya lumbu nombuto yoHIV/AIDS aagundjuka mboka oyendji yomuyo yaana iilonga noshowo aakulupe, aantu mbaka oya pumbwa ekwatho noonkondo unene ngaashi pethimbo ndika, lyoshikukuta otaya hupu nuudhigu noya pumbwa okupewa omakwatho opo ya lelepeke oonkalamwenyo dhawo yo ya kale taya nu oopela dhawo ya manguluka,” Amukoto ta ti ngaaka.

Amukoto ta gwedhapo kutya aantu mbaka taya lumbu noHIV oya taalela omashongo ogendji unene sho ethimbo limwe haya nwine omiti kondjala nomiti ndhoka ota ti ihadhi ka longawe nawa. Ta gwedhapo kutya aantu mbaka oya pumbwa okukala taya mono omakwatho yo ya kale taya ikwathele momagumbo gawo. Ta ti yo onga epangelo otaya longo ngaashi taya vulu opo ya kwashilipaleke kutya aantu mbaka taya lumbu nomukithi goHIV/AIDS oya mona omakwatho geya opalela, yo ya kale taya mono iikulya yi na iitungithi.

Ngoloneya gwaShikoto Henock Kankoshi ngono na ye ali a popitha aakalimo yomoshikandjohogololo Omuthiya esiku ndyoka okwali a indile ookansela ya longe muukumwe , yo ya kuthe ombinga miinyangadhalwa ya pamba omahumokomeho moshitopolwa , yo ya kalekepo ombili yoshilongo ndyono ya pita metiko lyombinzi. Kankoshi okwa indile aavali ya kwashilipaleke kutya aanona momagumbo oya silwa oshimpwiyu, yo ya tumwe komanongelo oshoka oyo aaleli yokomongula.

Ta indile ooyene yomikunda ya longele kumwe nookansela yo ya ete puuyelele shoka ya pumbwa shi longwe momikunda dhawo. Opo oshilongo  shi tungale sho shi hume komeho paliko.

Grant1

LEAVE A REPLY

Please enter your comment!
Please enter your name here