TUYENI KOLUPALE LA TUYENI: Tatekulu Hidipo Hamutenya mboli kehole oinima yokoikololo

0
561

 

Namibia oshilongo shomapendafule nghee sha kala okudja konalenale, oonakulwa vakulu ovaNamibia kutya nee ovava valwa novaNdowishi ilo oita yovaIngilisha ilo neembulu doshihangakena edi dali moshilongo omu. Oshili inave ke shi hokolola veli omutumba eshi va shuna koilongo yavo ndele ovafikila tava popile ofika.

Owa pumbwa naana okulesha nawa nokupwilikina nawa, molwaashi ondi shishi nawa kutya ohamukufapo eshi shatulwapo ndele tamu tulapo eshi shihalipo. Vanamibia kamuhole oshili nombili efimbo limwe noipupulu oyo hamudjaleke omapole omanga oshili tamu ilandifapo kwaava vehole oshili.
Olupandu lakula naliye komushamane womukokele weedula 75 tatekulu Hidipo ya Hamutenya, osho muwete handiti tatekulu molwaashi ou omukulunhu , na okwa pumbwa okutafininwa kovatekulu vaye aveshe .Ongudi yakula yakula ikulu yo Swapo HH tatekulu oinima osho ne eitilaile omeya mo Venduka omo, ndele oudano taudi pondje ne vakwetu penya oonakufiwapo oshili okwali tava hekelekwa ashike poima ngeno inapafiwa ngo, ava ngo vehole sha yolwa ovatokokele omandjadja va ti otava yolo, ovafaneki ovamanene okufaneka ndele ovatali tava mane okutala ovashangi voifo eepena odapwile ndele ovatooli ngudana tava mane okuliundaula ne ava vehole eendjokonona ndele tava mane ne okupula, vati tu ngeipi kaanave? Mboli okaana koko Hamutenya katukashi nawa vakwe.
Hidipo yaHamutenya omukulunhu  ou, ava tave mu hokolola nawa otava ti, HH yemwene keshi naana omunyakukwi efimbo alishe ashike oshili ote ku nyenge molwaashi efimbo limwe ngeenge okuna apa ahala okuya ilo ena eshi a hala okuninga, oha shi shiva ukale ino shi mona molwaashi ohakala ashike ta menyemo ngomunhu oto ti okwa hafa nonande ouna ngo eshi we mu ninga kehole okushi ulika nande.
Mokutonga oshili yopombada opo ovaNamibia vahapu ka kwali va hala oku itavela nokutya tatekulu okwa alukila kongudu ya ye inya ikulu va totelepo noo hailwa vakwao, molwaashi mutu ovakala vena eitavelo kutya eshi ita shiningwa na kena efiku eshi hetekele nande nande, ohaluka ashike oshiwana eshi shiwete HH a umba ongonyo mombada, ava vali tava tale e tv moshilongo omu efiku olo,vamwe okwa li tava pula vakwao ngaha haiti wa hano ondiweteko ngo ilo omesho ange otaavele vakwetu? Kaana ve oshinima oiyolifa yali mumwe nomanyeme omushamane eshi kuninga oinima ya fa tainingwa kwaau eli pombada.
Oshinima shoovene okwali sha fa omashendjo navamwe nokuli okwali tave lipula kutya na pamwe hano oshinima oshinyandwa.
Omulumenhu woshipombo sholutu weendunge da fa omutima waye mboli kemule ye kemuxupi kemulaula ye kemutilyana HH ota ti okupunduka hako okufya, lo olwaambo ihali kufa omunhu omwenyo Hidipo nge owe mu tumu po vati kehole okunangelela ohaalukile keumbo diva, vakwetu omulumenhu womoludi laMululu wa Namupolo omutekulu wo Ndapona ya Shikede eendunge dihapu noineya oyooxekulu Haimbili ya Haufiku no Shoonyeka ohamba yaUkwanyama kwa li nale nale hai dipaya ovanhu nomukonda taiyolo, ouketuketu owainakulu Mandume yaNdemufayo eshi a kala ta henuka ovatilyane pOihole opo.
HH yemweene omunambili vahapu otave muhokolola nawa nokuli kutya nghe adalwa a takele omunhu omunwe ehandu kuye hano olo ehafo laye, vaholike oshili kandiwete a tu mane okuhokolola HH osheshi eshi etu ningila oshili hasho kwa li twa telela nande, ashike oshili ondiwete kutya shapo eemwenyo detu na di ye mohonde ndele hatu ngungumaneke omitima detu. Osheshi omukalo ou wa longifwa owakindja pauxupi hano ndimulombwele ngaha, Hidipo oshikulo sho Swapo sho oshakala momufitu oikulo nghe yakala oina oineya yo ihai landulwa ngeenge owe shi hala ndele ouwete shafinda koushilo, ove twa kouninginino opo tamu shakene omukalo womoita oo, ava mwamona oita otamu dulu okushikalelapo.
vaholike moNamibia mboli omuyadi ombili natango, yo ombili ohaidulu nokuvelula oipute yomakwanyununa. Onda hala okumupa ombili noponele ya tatekulu Hamutenya, ota ti okuli moukolele wokomwenyo nombili ashike okwe muulikila ngheemuna okulongifa oufemba woshilongo sheni unene tu oshiwana shokomongula eshi hashidulu okweeta noita moshilongo ngeenge ovakulunhu otava kofa tava kofelele.
Ame ongomukondololi woukwatya wovanhu moshilongo shetu, moshinima sha HH onda shakenekamo ovaNamibia vahapu ovo vamwe vomuvo tava popi oindaka tya oyo inai pumbiwa nande moshilongo shetu na ota dulu okupukifa oshiwana shetu shokomongula osho nokuli shiheshi opolotika kutya oshike na ohai longifwa peemito dilipi hano.
Vanamibia tu tamekeni okweehenifa ombili popepi, ame mwene haame naana omunapolotika ashike ondina okumuya pokati molwaashi nye amushe ovanhu ovamwainafana no mwawana ashike okutunga oshilongo ndele tashiya pomufika wopombada osheshi ombili ilo tu tye emanguluko loshilongo shetu oladja nale poudjuu.
Ndishi otunamo ngo ovanyasha moshilongo shetu omu,venapo oushakeno wavo vati oFace Book, vanyasha kotokeni ovakulunhu nghee va kala ihava popiwa kounona nande nande nge otava tukafana nye mweneni ilo otavaulikafana ominwe likwateni komesho opo mu ha fingwe konghalo.
Ngheengo ne oshili una ongodi yoye to shange koFace book, oshili oto shange oo Sam sha Naujoma no Hidipo yaHamutenya no Lukas ya Pohamba oshili nomitwe ngo ditokatotoo eengwakutoka ovo ngo vawana okupopiwa kunye shapo ngeno hata mu nyongofola vakwe, hao nande oufemba weni oo vanyasha nande nande vamwe opo muli opo nokuli ha tumwa nokeefikola omwanyengwa okulesha nokoilongwa yeni opolotika oyo tamu dulu nye mwanyengwa okulesha kofikola inamu puma tu mwafa oikombo yapumako mboli.

JOHN YA TUYENI
CELL 0812988549
MRTUYENI76GMAIL.COM

 

LEAVE A REPLY

Please enter your comment!
Please enter your name here