Uudhano waFacebook otawu ka tsikila

0
232

 

ONDANGWA – Ngaashi haku longekidhwa aluhe uudhano wa Facebook omumvo kehe nonuumvo uudhano mbuka owali wa longekidhwa. Uudhano mbuno owali wa kalako ehuliloshiwike lyapiti wa ningilwa pokapale kuudhano kAndimba Toivo mondoolopa yaNdangwa.

Omuunganeki guudhano mbuno Matias Nakwafila okwa li eshi yelitha kutya oya li ya kwatwa kedhiladhilo opo ya kale haya longekidha uudhano woludhi nduka omumvo kehe opo aadhani naamboka yena ohokwe yuudhano ya kale taya dhana , yo ya nyanyukilwe pamwe naadhani ooyakwawo.

“Shino oshikando oshititano tatu dhana uudhano mbuka mono oosipana dha za koombinga noombinga dhoshilongo hadhi hangana nokudhana po tapu talika woo enyakwa, aluhe ohatu kala tuna oosipana tadhi thigathanapo metanga lyokoompadhi oshowo etanga lyomokambamba ndyono hali dhanwa kaakadhona,” Nakwafila ta ti ngaaka.

Nakwafila okwa ti nonande yali ya tameke uudhano mbuka kuyele mOlyomakaya gaziko, kayali yeshi pondola okuthika pehulilo ngaashi etanga lyokoompadhi molwaashoka oosipana odhali odhindji unene nuudhano mbuka inawu ka pwako ehuliloshiwike olyo tuu ndyoka

“Ngashingeyi otwa dhiladhila opo tu ka manithe uudhano wetu mbuka mehuliloshiwike lyomasiku 19 Sepetemba, tse tu tale kutya enyakwa muudhano waFacebook metanga lyokoompadhi omvula ndjika olye, otuna omukumo kutya ayihe ota yi ka enda nawa ngaashi tweyi longekidha,” Ta tsikileko ngaaka.

Muudhano wetanga lyomokambamba mboka wa li wa pu ehuliloshiwike ndyoka mono osipana yo Composite depot yokOvenduka ya sindanapo ekopi,oomedalia 15 noshimaliwa shooN$7 000.00,Oskola yoMilitary oyali ye ya ponkatu ontiyali no ya sindana ooN$4 000 noomedalia 15,Medipark okweya puutitatu noya pewa 15 medalia noshimaliwa shooN$1 500 omanga oBlue Jet (Airforce) ya etelele okano noya pewa 1500.

Nakwafila okwa ti uudhano mbuka owe ende mombepo ombwaanawa noyena omukumo kutya monakuyiwa uudhano mbuno otawu ka kala tawu dhanenwa komahala gi ili nogi ili. Okwa pandula yamwe yaamboka yeya yambidhidha, tati yamwe yomaakwashilipaleki ongaashi omukwatakanithi goSWAPO mOshikoto Armas Amukwiyu,Amia Stationery,OTB Sports, Radio Energy, Namica Supermarket,Ames Investment,Mad Dog, Onyaanya Guesthouse, no yendji inaa ya vula okutumbulwa.

LEAVE A REPLY

Please enter your comment!
Please enter your name here