Ya indilwa ya gandje omahokololo ku Zambezi Magic

0
416

 

Windhoek-Ochannela ompe ya gwedhwa kwaandhoka dhilipo nale miilonga yo tivii yo M-Net, tayi ithanwa  Zambezi Magic otayi hiya aaningi yookino, aashangi yomahokololo gookino oshowo aahololipo yookino opo ya gandje oovidio dhawo, omadhiladhilo gawo kombinga yomahokololo kino opo ngaka ga vule oku ulikwa kochanela ndjika.

Ochannel ndjika ya tulilwe miilonga petameko lya Juli  otayi kala ondjila moka aaningikino aahololipo yadho oshowo aahikingalo taya longitha okutseyitha iitalendi yawo mUumbugant wAfrika.Zambezi Magic ota kala ochannel yokunyanyudha aatali oshowo ota kala ta gandja ompito kaanyanyudhi aape opo ya ulike nokuholola iitalendi yawo.

Omukuluntu gwoZambezi Magic, Addiel Dzinoreva okwa ti ompito ndjika oya gandja olweedhe kaaningi yookino yomoshitopolwa opo ya ulike shoka taya vulu okuningapo. Nduka olweedhe  oku kumika aaningi yoofilima okuhokolola omahokololo gawo nongeyi oku etapo aanamadhina aape moku ninga ookino.

“Iha tu  mono oopolograma dha gwana ndhoka tuna okuulika motivii dhetu. Moshiithanene tashi landula otwa hala  oku mona aadhani yoofilima aaNamibia ye li moonkundathana naatoolinkundana aAfrika . Otatu kongo oshikalimo shoopolograma, onkene ngele ngoye omuningi gwookino no wu na okino ndjoka wa hala yuulikwa owa pumbwa oku kwatathana natse,” osho Dzinoreva a popi manga a li moonkundathana na Kundana  poshiithanene sha dhenga mbanda sha MultiChoice Content Extravaganza sha ningilwa moMauritius.

Dzinoreva okwa ti ota pa kala omwaalu gwoshimaliwa omushona gwoku yambidhidha mboka haya longo nokuninga oofilima , omwaalu nguka otagu ka longithwa oku gandja iilonga kaaningi yoofilima miilongo  yomuumbugantu wAfrika opo ya ninge oofilima. Namibia na ye ota ka pewa oshipambu shiimaliwa mbyoka opo a vule oku etapo oofilima.

Okwa ti yo kayena oofilima odhindji dha ningwa kaaningi yoofilima aavalelwamo nenge ya za miilongo  yokuumbugantu wAfrika, onkene olundji kotiivii kakuna ookino dha longwa kaantu yomuumbugantu wenenevi ndika.

“Tse itatu pula mu tu etele oofilima dhina ongushu nenge dhili pomuthika gwaandhoka hadhi ningwa mo Hollywood. Ihe tse otatu ti kokeni pamwe natse, tse opo ashike tatu tameke , onkene oofilima dhimwe itadhi kakala nongushu ndjoka tatu kongo,ihe nando ongawo tse otatu ka gandja ompito  kaantu oyendji, nokonima yethimbo omuthika gwokino ngoka twa pumbwa otagu  ka londa pombanda.Pethimbo ndika opena ompito  yomahokololo omape  osho wo omukalo omupe nkene oofilima hadhi ningwa ongo omukalo gomakwatathano. Onkene mekoko lyokuninga oofilima moAfrika  , tse otuuka monkalo ompe,”  Dzinoreva a ti.

“Kaleni mwa manguluka okupopya natse okupitila momakwatathano gopankalathano agehe, tamu tu shangele ookommenda dheni, tamu tu tumine omadhiladhilo geni ngaashi tamu vulu.Pamukalo nguka tse otatu vulu oku etapo omalunduluko mwaashoka tse twa hala oku mu pa. Kaa etipo yookino tse otwa egulukila okulanditha  nokulanda ngele ne omuna oshikalimo shopakino shoka  mwa pumbwa shi ulikwe. Sha hala okutya  ngele kuna ofilima yo yene naanaa ndele owuna edhiladhilo, kwatathana natse, tse notatu longo koshinima shoka.” osho a ti.

Molwashoka omusika oyo oshitopolwa shomainyanyudho, Zambezi Magic ota kongo woo  oongalo sho ta pe aahikingalo naakwati yoongalo ompito  okuulika uunongo wawo oku gandja oomusiki dhawo dhi longithwe mochannela ya Zambezi Magic.

Aadhani osho aatuli kumwe yomusiki otaya ithanwa opo ya gandje uuvideo wawo womusika opo wu vule okulongithwa sho taku ningwa omauliko gotango gomusiki video momwedhi tuuka. Omauliko ngaka otaga ka pa wo aatali ompito okuhogolola okavideo komusiki hoka mbaka ya hokwa okupitila mepandja lyoFacebook lya Zambezi Magic.

Ochannel ndjika tayi hokitha na ota yi ithanwa egumbo lyomainyanyudho lyUumbugantu wAfrika ngele tashiya potiivii yomainyanyudho otayi ka nyanyudha aakalimo mo Botswana, Malawi, Namibia, Swaziland, Zambia, na Zimbabwe noopolograma odhindji dhongushu okuza kondungu yAfrika lyokuumbugantu.

Zambezi-2

LEAVE A REPLY

Please enter your comment!
Please enter your name here