Angula ita dhana manga oshoka okweehama

0
266

 

Windhoek – Omudhani gwokonima mospana yopashigwana yaNamibia, Brave Warriors osho wo mospana yoliha yaSouth Africa, Free State Stars, Dacosta Angula ota shi vulika kaa ka dhane muudhano wa Namibia na Gambia okukondjela ehala lyoku dhana methigathano lyekopi lyuuyuni lyo FIFA 2018.

Namibia ota ka dhana naGambia, omwedhi tuuka tango moBanjul mesiku 9 lya Kotoba opo ihe konima yomasiku gane Namibia ota ka dhana ishewe na Gambia pokapale ka Sam Nujoma moKatutura.

Angula okwa teka oshithi shompadhi yokolumoho Omaandaha gayi pethimbo lyomaidheulo nospana ye yo Free State Stars, naashika oshe mu kaleke moshipangelo  sho  a tandwa kompadhi. Omudhani nale gwospana yo Black Africa okwa ti okwe ehama unene, a gwedha ko kutya oondohotola odha ti okweehama huka otashi vulika ku mu kaleke kondje yokapale itaa dhana uule woomwedhi ndatu.

“Oondohotola otandi dhi mono ishewe momasiku 22 gomwedhi nguka , nopethimbo ndyoka opo tandi ka tseya kutya okueehama kwandje okunene ngiini, oshoka pethimbo ndyoka oondohotola otadhi ka kutha ndje oongodhi noku tala onkalo yandje kutya oyi li ngiini. Otandi inekele kutya eehamo ndika kali shi enene unene, molwashoka ngame opo ashike nda li nda dhanene Namibia, oshowo ospana yandje, onkene ngame onda hala okutsikila noku dhana nawa ngaaka,” Angula a ti.

Pethimbo ndika lyuudhano, Angula okwa dhanene oFree State Stars lumwe momasiku 26 August 2015 omanga inaa joina ospana yopashigwana okudhana na Senegala muudhano wo AFCON mboka ya kanitha nookola 2-0.  Omudhani nguka okwa ningi ethimbo inaa dhana kutya omo spana yopashigwana nenge ndjoka yoFree State. Kali wo a ithanwa oku ka dhana muudhano woCOSAFA mboka wa sindananwapo ku Namibia nuumvo.

 

LEAVE A REPLY

Please enter your comment!
Please enter your name here