A dhipaga okanona sho kiipatanwa kuhe

0
330

 

ONGWEDIVA – Omunasikola gwomimvo omilongo 23 poseko yIipanda Senior Secondary School okwa mangwa po noku li mo kakuma kopolisi sho a vala okanona ka kola ete ka umbile moshilambo sho ka ndjugo anuwa.

Oshiningwanima shika osha ningilwa pegumbo lyaandjawo yomukadhona ongula onene yOmaandaha oshiwike shika omanga omukadhona inaa ya kosikola.

Omukadhona nguka okwa hokololwa anuwa kutya okwa li ena epunda lyoomwedhi omugoyi nokweli gwithamo sho anu omeya gothewa.

Sho omukadhona a pulwa kaapolisi okwe ya  lombwele kutya epunda okwe li kutha mo oshoka anuwa mwene gwalyo okwe li tinda.

Mwene gwepunda ngoka keeshi omunasikola okwa ti kutya okwe li tindi oshoka ye ke shiwo ngele olye shili.

Nonando Kundana keshi naanaa nawa kutya okanona oka monika ngiini , okwa lombwelwa kutya okanona oka umbilwa melambo lyokandjugo hoka keli mepya lyaandjwawo yomukadhona na okasile mo.

Okanona haka okali oka kadhona na oka kuthwa mo kena oomweedhi omugoyi pauyelele mboka wa gandjwa kaapolisi.

Omukuluntu gwoku kondjitha iimbuluma moshitopolwa shaShikoto Edna Nawa okwa koleke oshiningwanima shika ta ti shika osha ningilwa pomukunda Omadhiya moshikandjohogololo shaMuthiya moshitopolwa shaShikoto.

Okwa ti oshiningwanima shika osha ningwa ongula onene yOmaandaha omanga aantu ya kotha.

Na ku shininga okuli mondholongo sigo ongashingeyi.

LEAVE A REPLY

Please enter your comment!
Please enter your name here