Indongo ita ka kondja we omwedhi nguka

0
281

 

Windhoek – Julius “Blue Machine” Indongo oku na okutegelela ishewe ethimbo ele omanga inaa mona ompito oku ya moringa yokudhengela oongonyo oku kondjela oshishani shuuyuni.

Indongo oku na okutegelela olule konima sho olugodhi ndoka a li uuvanekelwa ta ka kutha ombinga mu lwo lwa pewapo omudhengingonyo gulwe.

Omudhengingonyo nguka omuNamibia okwa li ena oku ka kondja nenyakwa Eduard Troyanovsky omvalele ya  Russia okukondjela epapa lyondjundo, yo Super Lightweight yehangano lyoongonyo muuyuni lyedhina IBO.

Olugodhi nduka olwa li tango lu na okukondjwa mesiku eti  5 lyomwedhi nguka moshilando Dresden, sha Ndowishi, ihe pauvathano lyoombinga mbali ndhoka dhali momalongekidho, nduka olwa li lwa undulilwa komasiku 24 gomwedhi ogo tuu nguka , talu ka kondjelwa moRussia.

“Opwa holoka oshinima oshipe  shoka sha gumu olugodhi nduka  no italu ka kalako we ngaashi sha li sha thanekwa momasiku 24 gomwedhi ngu”. Nestor Tobias omudheuli gwa Indongo osho a fatulula..

Enyakwa lyondjundo oyo tuu ndjika kohi yehangano lyokudhenga oongonyo lyo IBF, Cesar Cuenca okwa shongo Eduard Troyanovsky ngoka oye enyakwa mondjundo ndjika kohi yehangano lyoongonyo lyo IBO, Cuenca okwa shongo Troyanovsky a hala opo oondjundo ndhika dhi hanganithwe uuna guwme gwawo a sindana po olugodhi nduka. Enyakwa ndika olya tokola oku kondjitha Cuenca molwashoka nduka olugodhi talu kala olunene oshoka oluna omanyakwa gaali ga za komalutu gaali guudhengingonyo muuyuni.

Ngoka ta ka sindana olugodhi nduka ota ka ithanwa enyakwa lela mokudhenga oongonyo [Super Champion] molwashoka oku na omapaya gaali muuyuni pethimbo limwe, okuza ko IBO no ko IBF.Omolwashika ombinga ya Eduard oye tu tseyithile oshinima ,nompito ndjika , molwashoka otu uvite ko  esimano lyaashika otwa tokola okwaa ya ya moshipala no twa pitika shika shi ningwe , nonando yo oya li yena oku kondjitha omumbokisi gwetu pauvathano. Olugodhi nduka otalu ka kalako momasiku gane ga Novomba mo Moscow sha Russia.”

Otwi ipyakidhila noonkundathana oku tala kutya otatu ka kondja na lye, mwa kwatelwa wo oku kondjitha Eduard Troyanovsky ongo enyakwa lela [ Super champion] ngele oye a sindana olugodhi ndoka,nenge tu ka kondje polugodhi nduka ta tu kondjitha omukondjithi iili eshi ku kondjithwa nenge Julius ota yi ashike komeho noku gamena epaya lye lyo WBO moAfrica pethimbo ndika. Uuna twa mono ondjila ndjika nena tse otatu ke mu tseyithila oshizemo, Nestor a ti.

Shika ina shi guma Julius na yi andola  oshoka ye okuna omutima gwa kola  noku itulamo moku idheula nokwi ilongekidha oku kondjitha omumbokisi kehe ta mono shaampoka ethimbo kehe. Oku shishi kutya ethimbo nompito ye ota yi ya ngele okwe yi tegelele nengungumano. Onda fuuka kombepo, omikalo dhe, okulonga nuudhiginini kwe oshowo evuliko lye. Atuhe otu shishi kutya okathimbo owala okafupi ta tu tegelele omanga inaa ninga enyakwa lyuuyuni oshoka ye omumati iiyoololelwa. Omakateko ngaka oha ga vulu wo oku eta oompito oohwepo, onkene ngaka ota tu ka longa na go nengungumano oshowo nomadhiladhilo giitegelela, osho Tobias a popi pehulilo.

LEAVE A REPLY

Please enter your comment!
Please enter your name here