Miss Namibia otaka ulikwa

0
299

 

WINDHOEK – Olyo ishewe ethimbo lyo ku ulika enzuna kamana moNamibia, moka aakadhona mboka aawanawa ta ya ka ninga ethigathano lyawo enene oku ulika ngoka ta ka sindanapo oshikoloni shika.

Euliko netseyitho lyo mu kadhona nguka ha ithanwa omwaanawa kwaa nawe (Most Beautiful Girl in Namibia) otali ka ningwa momasiku 19 Septemba pendiki lyomithigululwakalo lyaFrans/ Namibia nenge  Franco Namibia Cultural Centre moVenduka.

Omupresitende gwehangano ndika, Bobby Kaanjosa, okwa ti elalakano lye tseyitho ndika okuhogolola ngoka ta ka kalela po oshilongo methigathano lyo Mr & Miss Diversity Culture International, ta li ka kalako koMalaysia oku za petameko lyaDesemba nuumvo.

“Ndika olya talikako ethigathano ndyoka enene moNamibia oshoka kehe ondjuhwa ota yi ka tondoka nenkandjangali, okukondjela oshikoloni shika. Ngaashi naanaa oshipalanyolo ta shi ti. Kehe gumwe ota ka nyanyudhwa,” Bobby ta ti ngaaka.

Okwa gwedhapo ta ti ngashingeyi opwa hogololwa nokuli aakadhona mboka yatatu ta ya ka kwatela omalongekidho agehe komeho ngaashi Salmi Nambinga, Brown Edwards naAngelica Shida.

LEAVE A REPLY

Please enter your comment!
Please enter your name here