Oosikola odhindji  mOnayena odhina olusheno

0
262

 

AMBUNDA – Kansela gwoshikandjohogololo Onayena, Max Nekongo okwa yelitha kutya ye pamwe nombelewa ye oshowo ehangano lyoku andjaneka omalusheno muumbangalantu woshilongo Nored, oyeshi pondolo opo ya kale ya kwashilipaleka kutya oosikola adhihe moshikandjohogololo odha tulwa olusheno.

Nekongo ndhino okwali edhi popi pethimbo kwa li taku patululwa pambelewa olusheno ndoka lwa tulwa posikola Ambunda ndjoka oyo ayike yali yaana olusheno moshikandjohogololo shoka sigo oshiwike shayi. Ta gwedhapo kutya oya hala opo aakwashigwana ayehe ya mone uuwanawa noku tyapula oshikuki shemanguluko lyoshilongo.

“Otwa pondola ayihe mbika molwelongelokumwe ewaanawa pokati kuuministeli welongo oshowo ehangano lyoNored, aakwashigwana yopomudhingoloko gwaAmbunda oya kala haya ende iinano iile taya ka konga uuhaku nonande moshikandjohogololo muna uupangelo hawu longo ethimbo kehe uyali, otwa li twa ningi eindilo opo posenda mpaka pu kale pwa tungwa okapangelo naashino oshali sha tulwa miilonga , nokapangelo haka otaka ka kala ka tamekwa mbala yo aakwashigwana taya kala owala taya kookaya,” Nekongo ta ti ngaaka.

Oshipopiwa shomupevi minister gwOomina niikwankondo, Kornelia Shilunga osha li sha etwa kOmupevi minista gwelongo Esther-Anna Nghipondoka. Ngipondoka okwa li a pandula ehangano lyoNored sho ta li tsikile noku andjaganeka olusheno komikunda oshowo koosikola ndhoka dha kala ethimbo dhaana olusheno opo okanona okaNamibia ka mone elongo lyiihwapo.

Ta ti shino epangelo olye shi ningi oku pitila moproyeka yoku andjaneka olusheno kiitopolwa yokomikunda. Ta gwedhapo kutya konyala oosikola ndhoka dhina omalusheno moshilongo ohadhi shi pondola nokugandja iizemo tayi nyanyudha. “Uuna oosikola dhina omalusheno ohashi gandja ompito ombwanawa kaalongi ya longe ethimbo alihe, nohashi pupaleke woo iilonga yomulongi,” Nghipondoka ta ti ngaaka.

Omupopiliko gwehangano lyaNored Herman Ngasia pethimbo a gandja oshipopiwa shehangano okwa li a indile aakwashigwana ya longithe nawa olusheno yo yi ikaleke kokule noopala dholusheno oshoka odha nika oshiponga uuna uunona tawu dhana popepi nadho. Ta kunkilile aavali ya gandje omalombwelo kaanona , yo ya tseye kutya oshanika oshiponga okudhanena olusheno. Ngasia ta gwedhapo kutya yo oyi ilongekidha ethimbo kehe oku andjaganeka olusheno oshilongo ashihe.

LEAVE A REPLY

Please enter your comment!
Please enter your name here