Otwa kala iihakanwa yokuyugwa oonzo dhetu –Esau

0
344

 

OUTAPI-Ominsita yOohi nOonzo dhOmefuta ,oya ti ethimbo ele lya piti Namibia naantu ye oya huwa noku liwa oshipungo ngele tashiya koonzo dhomefuta lyevi lyOmapenda, nonando efuta ndika olyo limwe eyamba moku kala noohi muuyuni auhe.

Bernard Esau okwa popi ndhika pethimbo a egulula iitelekela yoku dhimbulukwa oshikando oshitine shesiku lyOkulya oohi lyopashigwana lya ningilwa mOutapi Etitano lyayi. Pompito ndjoka  Esau okwa ti oshimpungu shoohi shaNamibia otashi longo nawa no shu uka komeho nonando ihashi pewa nando eyambidhidho pashimaliwa okuza koholomende ngaashi hashi ningwa miitopolwa yimwe muuyuni. Okwa tomona poshiithanene shoka kutya oshikondo shika osha gandja iilonga kaantu omayovi ge vule 15 000 sho ishewe osho hashi etamo iiyemo moshilongo shi li pondondo ontintatu pamwaalu, muuyuni oshikondo shika oshi li mongundu yiikondo omulongo petameko oku shi talela kongushu yaa shoka hashi etapo, sho osho shi li komeho menenevi Afrika  mokulonga oshowo okulanditha oohi pondje yoongamba dhoshilongo.

“Mboka taya popi kutya tse otwe eta ko ashike omutse kombanda yefuta ongo oshikondo shika , kandi shi kutya shoka oye shi adha peni,” osho a pula.

Esau okwa tsikile a ti “Aanamibia oya li iihakanwa yoku yugwa noku lumbulwa oonzo dhoohi dhoshilongo shawo, onkene otu na oku sa oshimpwiyu kutya oonzo dhoohi ndhika  otadhi longithwa nawa  opo omapipi ta ge ya ga vule wo oku mona uuwanawa mudho. Sho shika osho sha eta opo oshikondo shetu Shoohi  shi kale aluhe tashi longo nawa mokugamenenapo oshikondo shiikwahi shika okupitila momapekapeko, okuwilika nawa oshowo okukalekapo oompango dha kola dhi na sha nekwato lyoohi,”osho uulike.

Esau, okwa ti Uuministeli we owi itulamo moku etapo omikalo omipe no dho shinanena ndhoka tadhi ka fala mekuthepo lyoluhepo unene tuu mokati kaaNamibia mboka ya kala nale ta ya liwa oshipungo ngele tashiya komauwanawa ngoka ta ga  zi melanditho lyoohi.

“Otashi kala sha simana kutse  okukalekapo uuthiga wiliko uuwanawa moshikondo shOohi sha Namibia, onkene otandi indile mboka ye li moshikondo shika  opo ya kwathele epangelo okupitila muuministeli wetu okukalekapo oshikondo shika sha kola no itaashi tekapo nenge oku yonukapo’ Esau a ti.

Esau okwa kombo kombunda National Fish Consumption Promotion Trust, ehangano lyuuministeli we sho lya li lya longekidha iikonga moshitopolwa Omusati.

Miikonga mbika aanona oshowo aakwashigwana oya pewa oohi oshowo oya ulukilwa omikalo dha yooloka nkene oohi ndhika hadhi telekwa.“Ngame ondina einekelo kutya aakwashigwana mbaka otaya ka topolela ooyakwawo uunongo mboka yo ya mono piikonga mbyoka,” osho a ti.

Pethimbo lyiitendele mbyoka , oshitopolwa shaShana osho sha hogololwa oku ka longekidha esiku lyopashigwana lyokulya oohi lyomumvo 2016 okuza miitopolwa 14 yoshilongo.

Iitelekela yokongulohi yetitano oya li ya landulwa kedhimbuluko netyapulo lyokulya oohi pOlufuko mOutapi Olyomakaya ga yi. Pethimbo ndyoka aakwashigwana oya li ya mono ompito okulanda oohi oontalala oshowo ndhoka dha telekwa ye dhi landa kondando ombwanawa. Aanambelewa mewiliko lyoshitopolwa Omusati mwa kwatelwa naNgoloneya gwoshitopolwa shoka Ergenius Endjala, oya li wo pedhimbuluko ndyoka. Omahangano goohi gopaumwene nago oga li wo poshiithanene shika mpoka pwa li pwa kalwa wo ko Namibian Fish Consumption Promotion Trust pamwe naanambelewa yUuministeli wOohi nOonzo dhomefuta. Aahikingalo naanyanyudhi aaNamibia oya li ya nyanyudha  oshigwana, mbaka oya kwatelamo Mushe, Ndilimani, Sally na The Dogg.

Oshiithanene osha dhimbulukiwa kohi yoshipalanyolo ta tu fala efuta kUumbangalantu.”.

 

 

LEAVE A REPLY

Please enter your comment!
Please enter your name here