Ovakulupe  26 mo Aus ota va ka pewa po omaumbo avo.

0
260

 

AUS – Ovakulupe  vefike po 26 okwa teelelwa opo omaumbo omo va kalamo konyala eedula da konda 36 ve apewe kepangelo pambelewa.

Omaumbo efike po 26 momukalimo wa Aus moshikandjohoololwa sha !Nami#nus moshitopolwa sha //Karas, oo a tungwa nale manga oshilongo ina shi manguluka, fiyo opapa inaa tulwa komadina aavo ve limo pambelewa, ngaashi shaningwa nale keedolopa dikwao moshilongo, konima ashike eshi oshilongo sha manguluka.

Kansela woshikandjohoololwa sha !Nami#Nus  Jan Scholtz okwa lombwela osheendo sho  mupedu Minista wEyambulepo lEedolopa nomikunda, Derek Klazen, oo kwali a ka patulula ondama yo hanya mo Aus omafiku a djako.

Scholtz okwa tumbula kutya eindilo ola tumwa nale ko Kabinete ka dule oku yandja oufemba kouMinisteli  wEyambulepo lEedoolopa nomikunda udule oku yandja eefelo opo ovakulupe ovo veli momaumbo omo eva pewe po a ninge avo oo vene pamuliko.

Omunamido 81 Sophia Witbooi, umwepo womovakalimo momaumbo oo okwa tumbula kutya meumbo omo okwa kalamo paife eedula da konda 36, onghene ota indile kepangelo, opo va pewe omaumbo oo a ninge avo.

Omupedu minista Klazen okwa udaneka kutya omukundu ou otai nao kombelewa yaye, opo va ka dule okutula moilonga diva omukalo wa tya ngaha.

 

LEAVE A REPLY

Please enter your comment!
Please enter your name here