Uuvideo waaNamibia otau vulu okuulikwa ko MTV Base

0
367

 

Omuwiliki gwoMTV Base Channel, Tim Horwood okwa ti  aanyanyudhi aaNamibia otaya vulu oku gandja uvideo wawo womusika ngele ndjika otayi ti sha  kaa pulakeni oyendji.Horwood okwa ti shika ota ya vulu oku shi adha uuna taya longele kumwe naanyanyudhi aanamadhina yokiilongo yilwe muAfrika.

Horwood okwa popi ndhika pethimbo lyoshiithanene sho MultiChoice Africa Content Showcase sha ningililwe mo Mauritius oshiwike sha yi. Okwa pulwa unene kombinga yomanyenyeto gaaholi yomusika aaNamibia mboka ya ti  oshidhigu opo uuvideo womusiki yaaNamibia wu ulikwe  ko tivii yomusiki ha yi ithanwa MTV Base. Oonakunyenyeta ,mbaka oya ti uuvideo womusika owindji mboka hawu holoka olundji koMTV  Base oomboka waahikingalo aa Nigeria naaSouth Africa.

Kundana okwa li moonkundathana na Horwood  pethimbo lyomauliko gedhina MultiChoice Africa Content Showcase moMauritius mpoka a fatulula kutya nonando osho ehalelo lyawo okugandja oompito odhindji kuuvideo musiki wa za palwe moAfrika uuvideo musiki wa za koNigeria na South Afrika  owo tau panga motiivii ndjika molwashoka  iilongo mbika iyali oyi na aantu oyendji mboka haya tala MTV okupitila mo [DStv/GOtv]. Nomolwashika  iilongo mbika oyina omapopilo omawanawa.

Horwood okwa ti  South Africa, Nigeria, Kenya na  Angola oyo iilongo  ine yi li pombanda  ngele tashiya komwaalu gwaaantu mboka haya tala otiivi hayi futilwa oomwedhi kehe, okwa ti ina tseya sha kutya omwaalu gwaNamibia mboka haya tala  otiivi ndjika hayi futilwa oye thike peni.

“Ondi shishi kutya omwaaIu otagu kala ishewe pevi molwashoka omwaalu gwaakwashigwana  na go oguli pevi, ndele haa shoka  kutya ando Namibia kena iitalendi yaa imbi naahikingalo .Shika hasho oshoka tse ohatu ningi omatokolo getu shi ikwatelela komwaalu gwaamboka haya longitha omayakulo getu gotiivii ndjoka hayi futilwa omwedhi kehe.  Ita shi  ti inatu hala  okudhana omusiki video yaaNamibia, omusiki  ya Namibia ohatu yi dhana shampa  ashike ndjika yi na etumwalaka li li nawa  miilongo mbyoka hamu monika otiivii ndjika. Onkene ngele aahikingalo yoyene oyi itula ponkatu yopethimbo  noku kala ya hokiwa kaapulakeni  yomiitopolwa  yaahoka tashi pitile mokulonga  naahikingalo yo kiilongo mbyoka  oshowo okupitila momakwatathano gopankalathano nena aatali nawa yomusiki m mboka ha ya hogolola kutya aahikingalo ye ni taya pitikwa oku dhana oongalo dhawo kopMTV Base otaya ka egululila aahikingalo aaNamibia osheelo.Otuna wo oshinakugwanithwa sigo opondondo  yontumba  oku taamba  uuvideo womusika yaambaka, na ota shi  vulika inaatu longa oshindji, ihe tse osho tatu kongo shoka,” Horwood a ti.

Okwa ti omathimbo gamwe uuna aahikingalo ya gandja uuvideo wawo kotivii ndjika oha ya dhimbwa oku gandja ehokololo lyomusiki ndjoka oshikwawo eholokepo lyokavidio omathimbo gamwe itali fuula.

“Yamwe yomaanyanyudhi oha ya gandja uuvideo wawo, ndele oha ya dhimbwa oku shanga ehokololo [ngaashi kutya oye lye , oku na omwaalu gu thike peni gwaa yambidhidhi , okuna oongalo dhi thike peni , okwa sindana omapapa ge thikepeni moshilongo shawo , nokutya oongalo dhe ohadhi dhanwa lungapi moradio moshiwike, nenge mpaka onda thanekwa naanamadhina yomoshilongo shetu nosho tuu].Oya pumbwa wo okuulika kutya uuvideo owa thikama peni mesimano moshilongo shoka na ohawu tseyithwa ngiini moshilongo, oshoka mbika oya simana .Ngele okavideo oka ningwa nawa taka fuula  ko okena uuyelele wa gwanapo ngaashi sha ulikwa pombanda  nena shika oshipu oku ka uvako. Oshikwawo shika otashi kala oshipu opo haka ka talike kaahogololi. Uuvideo weni nau kale neholoko ewanawa opo tse tu vule oku wu tala.Otandi dhiladhila aanyandi yuuvideo ihaya tala nawa oshinima shika ,” Horwood  a ti.

Horwood okwa ti oku imba Melaka lyoye itashi ku imbi opo wu hogololwe shampa ashike oshikalimo shomaimbilo goye osho tashi hili yo naapulakeni  oye na ekwatathano nasho. “Oto vulu oku imba Melaka lyoye  shampa ashike okavideo haka ta ka hili kutya omathano , omikwelengendjo nenge omadhengo gomaimbilo, kokutya ayihe mbika na yi kale tayi hokiwa kaapulakeni naatali oyendji..”

Okwa kumike aahikingalo opo ya longe iinima yawo yoyene ndele inaya tegelela okuningilwa kuMTV.

“Tse otse ya hugunina moshinima shika . Tu pa okavideo koye tu kale  twa hala oku ka tala , konga eyambidhidho  , nuuna wuna aayambidgi mboka ya hokwa hoka nando ongaashi ko Facebook nena tse otatu  vulu ihe okukupa ompito koMTV Base.

“Ngele oho uvika moradio olundji nena tse opo tatu ya mekwatathano nangoye. Tse itatu vulu oku kwatathana  nomwiimbi kee  shiwike. Tse otwa hala oku humitha komeho mboka ye shiwike nale oku ya kwathela yu uke pombanda, opo tu vule okuku kwatha owuna okukala wu na eyambidhidho lyoshilongo shoye, uuna wu na eyambidhidho ndyoka nena tse otatu longo pamwe nangoye oku kutseyitha ku Afrika alihe.” Horwood  ati.

LEAVE A REPLY

Please enter your comment!
Please enter your name here