Waa pandula noyaka

0
284

Eyeletumbulo ndika otali tu longo shike kombinga yolupandu oshowo okupandula molwashoka tse tu na moonkalamwenyo dhetu?

Omathimbo ogendji aantu otwa fa twi ininga ihaatu gandja epandulo molwoshindji oshiwana shoka tu  na moku kala  kwetu. Yamwe iha tu pandula Omushiti ngoka esiku kehe he tu pitithile etango lye , ngoka omumvo kehe a pitika tu kale nuundjolowele,etu pa oompito dhiilonga noshowo ashihe shoka twa pumbwa okuyeleka naantu ooyakwetu yalwe mboka tashi vulika yetu sila olwiho sho ye wete tse tu li nawa oku yeleka nayo.

Omolwashike ta tu ti waa pandula noyaka? Ota tu popi shika oku shi talela mehokololo limwe momapandja goshifo shika moka aakalimo yomolukanda lwa DRC moSwakopmund ta ya nyenyeta no ya geela muni gwaandjawo oshoka iha pangele uupomba wawo womeya mbala. Shika otatu shi longitha ashike ongo oshiholelwa shimwe mokati kiiholelwa oyindji mbyoka ngele otwe yi shanga mpaka ita tu ka mana oku yi ndjandjukununa.

Pakuuva eipopilo lya muni oondyoka kutya ye oha tala oshiwike kehe iikando itatu ngele uupomba mboka otau longo tuu nawa opo  eu opaleke sho oshigwana she shi kale tashi teke omeya ga yogoka go ishewe oge li popepi.

Shoka tashi tilitha noku kumitha ooshoka sho yaandja muni ya lundile aakalimo moshilando shoka kutya yamwe yomuyo anuwa oyo haya shokotola uushina wuupomba woku landitha omeya onkene uuna mboka wa shokwa shokwa ngaaka, mbuka ihau vulu we okugandja omeya uuna oonaku teka ye ga hala. Naashika osha thiminike oonakuteka ya ka konge omeya kwaamboka tau longo.

Oshitsa sha simana ooshika kutya omukwashigwana kehe a pewa omayakulo goludhi kehe ngaashi ashike ngoka guupomba womeya moDRC, okwa pumbwa oku ga pandula noku ga ngungunina oshowo oku ga gamenenapo gaa  yonuke. Elelo lyoShiwakopo olya kambadhala okugandja omayakulo ngoka kaantu yalyo, ndele osha fa yamwe inaa ya pandula ku go onkene ngaka ota ye ga yonagula .

Naashika otashi vulu okudhiladhilitha  omuntu kutya mboka taya teya uupomba wawo pamwe oya hala okuyaka molwashoka ngiika ina ya hala okufutila omeya ngoka taga zi muupomba mboka.

Onkalo ndjika ina yi holoka ashike mondoolopa yokomunkulofuta akuke ndele oya uvikwa wo nokiilando yilwe  hoka aakalimo ngele ina ya shokotola, uupomba ominino ndhoka dha eta omeya puupomba yedhi tete go omeya ngoka, ga pumba ,taga hepa noonkondo.Shika otashi ulike okwaa pandula.

Mboka ihaatu pandula ku shoka tu na otwa pumbwa okwi itula moongaku dhaakalimo yomomukunda Omahahi moshitopolwa Ohangwena mboka yaa shi omulyo gwomeya ga yela unene tuu pethimbo ndika lyoluteni lwomimvo ndhi.

Mbaka oya thiminikwa konkalo oku longitha omeya gaana uundjolowele oshoka ngoka ga yela ka ye na mpoka ta ye ga adha nongele ando oya uve yalwe komahala galwe taya teya uupomba mboka hau gandja omeya ga yela ngiika ando yo otaya kala noku pukapuka omitse dhawo oshowo oku pa aayonaguli yuupomba mboka oombedhi.

Okupandula inaku talelwa ashike komayakulo ngoka guupomba womeya ndele epandulo nail ulikwe uuna omuntu wa longelwa sha oshiwanawa. Oholomende otayi tsikile okutunga noku opaleka iipangelo opo yi fale omayakulo kaantu yayo, ngaka na tu ga panduleni ihe haku nyenyeta ethimbo alihe.

Ota yi tungu oosikola, oondjila, nomayakulo galwe okuhwepopeka onkalamwenyo yaantu yayo. Onkene atuhe mboka tatu tungilwa omayakulo ngaka natu panduleni oonaku ga tungapo ndele ha ku ya pa oombedhi naampoka inaashi pumbiwa. Kehe oshinima shoka oshiwanawa kutse natu shi pandulile ekalepo lyasho oshoka koombinga dhimwe moshilongo shetu, menenvi lyetu oshowo muuyuni wetu okuna yamwe mboka itaa ya tyapula omauwanawa ngoka tse tu na.

Onkene esiku kehe tandi penduka, tandi ende tandi longo nandi kale nda pandula oshoka ondi li monkalo yili hwepo okuyeleka nomuntu gulwe.

LEAVE A REPLY

Please enter your comment!
Please enter your name here