Young T ota ka imba mOngwediva

0
992

 

WINDHOEK-Omuimbi omugundjuka gwedhina Tulina Ndafyaalako ngoka a tseyika nawa nedhina Young T, ota ka ulika uunongo we noku nyanyudha aaholi yoongalo dhe mOngwediva po Bennies Park, Club Ivory Olyomakaya ndjika.

Aalongekidhi yoshituthi shika oya holola kutya Young T oye omuhikingalo omushona ngoka  e holike kaanyasha oyendji ethimbo ndika, no ta ya tengeneke kutya  esiku otali ka enda nawa. Young T okwa tegelelwa opo a ka imbe oongalo dhe ndhoka oonkulu noompe, naandhoka dha za  moalubuma ye ndjoka opo ya pitile yedhina Phisilophical Pages.

Kakele ashike ku Young T, poshiindingili shika ota pu ka kala ishewe aahikingalo oyendji mboka ya hiwa owina opo ya ka ulike uunongo wawo pamwe ngaashi, Kay Three, Lapie Tokie, Nestor Fly Back, Omfally noyendji yagwedhwapo.

Young T ota hiya aaholi naayambidhidhi ye opo ye mu kwathele ya holoke mesiku ndika enene, moka ta kunkilile kutya ayihe otayi ka enda nawa. Uukadhona mboka omulongo tawu ka holoka tango otawu ka pita oshali.

Omiyelo ota dhi ka eguluka po Heyali yongulohi omanga uutekete owuna oodola dhaNamibia 30. Okulya nokunwa ota ku ka kala kuna ombiliha.

 

LEAVE A REPLY

Please enter your comment!
Please enter your name here