Lamek okwa hala a futwe ku NovaNam

0
305

 

LüDERITZ – Omunailonga mo faabrika yeeshi ya NovaNam, mo Lüderitz, Simon Lamek ota indile opo a kale afutwa kuNovaNam, eshi ateka mokwooko pefimbo ali telideula  okatanga kokeemhadi novanailonga vakwakwo  moluumbo lofaabrika.

Lamek okwa hokololela Kundana kutya momafiku eshi a li 08 September 2015 ovanailonga va NovaNam ova lombwelwa komuyandji wavo woilonga opo va tameke okuli deula okatanga kokeemhadi  okuhovela po tundi 16h30 fiyo efimbo ledimbuko po17h30 manga efimbo lokudimbuka inali fika, opo veli longekidile oudano  wo Fun Day wa fanekwa taukakalako moLomakaya ei yomafiku 26 September 2015 pokapale komaudano mo Lüderitz.

Ashike omunambelewa oo elilepo omakuto ovanhu  mo NovaNam, Manu Namukomba, okwa lombwela Kundana kutya Lamek okwa  lemana kuye mwene ina lemanena moilonga, ashike otava tale oukwatya welemano laye.

Lamek  opamwe novanailonga vakwao ova hovela  efiku olo 08 September 2015 nomadeulo ngaashi va lombwelwa.  Efiku la ka landula 09 September 2015 omanga veli pyakidila nomalideulo , Lamek okwa punduka ta teka kokwooko ko kolulyo poshikesho , osho ta hokolola kutya osha ningwa potundi 17h15, efimbo lokudimbuka ina li fika, shoo osho ngaho sha yadekwa mo mbapila oyo ya lopota oshiponga eshi.

Ekemo la Lamek olili nee opo kutya ova yandji vaye voilonga  ina va hala oku mu valula kutya okwa lemanena moilonga, nonande okwa lemanena monhele yoilonga pefimbo loilonga, nomadeulo oo kwali te li deula okwe a lombwelwa  komuyandji woilonga.

Lamek ke  uditile ombili omukalo ou wa longifwa kovanambelewa mo NovaNam ta ti ombapila oyo va yadifa ya lopota oshiponga  ya ya  ko Social Security oya yade kamo kutya okwa lemana kuye mwene, ina lemanena moilonga, ashike okwa lemanena monhele yoilonga, osho ta tumbula kutya oshe mu etela elimbililo “ame ondali hadi dana etanga monhele yoilonga , pefimbo loilonga, palombwelo lomuyandji  wange woilonga,” Lamek osho a fatulula.

Ta twikile no ku popya   ta ti, paife ovanambelewa va NovaNam ovemupa a ya de ke ombapila  yo u yehame, oyo a teelela ashike opo aka futwe  kexulilo lomwedi ko Social Security  75% dondjabi yaye . Onghene ota indile opo afutwe ngaashi omunhu a lemanena moilonga.

LEAVE A REPLY

Please enter your comment!
Please enter your name here