Mapeni a tumbalekwa kaaNamatanga

0
1001

 

ONAMATANGA – Aakalimo yomOnamatanga oya tumbaleke omutoolinkunda gwoRadio yOshiwambo yo NBC (miilonga yokutuma Omawi yaNamibia) sho a hokolele nkene osikola ndjoka ya hepa.Konima osikola ndjika oya ka mona ekwatho .

Esiku limwe Simon Kondjashili Mapeni okwa li a tokola opo a ka talelepo osikola ndjika eta ningi oonkundathana  nomukuluntu sikola gwenongelo ndika kombinga yonkalo ya yo.

Mapeni okwa li a talelepo osikola ndjika momumvo 2013 sho a  uvu  uuyelele kutya okuna oshigwana shaayelele tashi mono iihuna momukunda Onamatanga moshitopolwa shaMusati.

Omutoolinkundana nguka okwa li a hokolola kutya onkalo ndjoka ota yi limbilike nokwa li a ningi onkambadhala okupopya noombelewa dha pamba onkalo ndjoka.

“Oshinima sho sha li ta shi etitha ohenda uunene enota. Omeya omalulu noonkondo go oganyata. Oshigwana shoka shi li kepango okwa li sha ndopa okunwa omiti dhasho oshoka omeya omalulu ota  ga pe omuntu omupanu ngele okwe ga nu,” Mapeni a ti ngaaka.

Mapeni okwa ti okwa nyanyukwa ngashingeyi oshoka oshitopolwa shoka  osha mona omeya noshi li pondondo ta yi etitha oonkondo .

Okwa ti moshitopolwa muka omwali woo oonakulwa aakulu yeli omilongo 80 ashike ka pwali nande ogumwe a shangwa ,ashike sho a tseyithile Uuministeli wOonakulwa aakulu ayehe oya shangwa na ngashingeyi oha ya mono omakutu gawo.

“Oonakulwa aakulu ye li pomilongo 80 sho nda popi noombelewa okwa li ya shangwa , nongashingeyi ayehe oya mona omauwanawa gawo ogendji noonkondo . Shika osha nyanyudhandje onga omutoolinkunda ,” Mapeni ati ngaaka ye ti i memeha.

Sho aniwa aantu ya pulakene Oradio omukuluntu gwehangano lyoCERET ndyoka lina iipambu yokukwata oohi moNamibia lili kohi yeHangano Erongo Marine Enterprise olya li lya talelepo osikola no kuninga onkambadhala opo eyi kwathele.

Mwetulamba Shingenge okwa li a ungaunga nomukundu nguka opo ya vule okukutha po onkayi yaanona mboka ya kala noku enda uule woshinano shookilometa omilongo 40 okuya kosikola yedhina Isreal Kamati Tjimuhiva ya vule oku tsikila nelongo lyawo.

Okwa hokololwa kutya aanona mbaka oya kala noku hakela omake taya ende taya imbi opo ya tidhe po iiyamakuti mbyoka yili mokuti popepi nondjila yawo okuya nokuza kosikola.

Aanona oya li ha ya longelwa mumwe ondondo yotango nontiyali omanga ontine nontitatu ya li ha yi longelwa mumwe.

Shingenge okwa uvu onkalo yosikola eta kundathana naaniilonga pamwe naye opo ya tunge po oongulu dha gwedhwa po uunona wu vule oku enda oshinano oshihupi.

Ngashingeyi osikola oya pewa etungo lyomala gatatu, oyi  na omeya naalongi na yo oyena ondunda ya naambelewa.

Olupandu otalu yi kehangano lya CERET noshowo komutoolinkundana ngoka ehokololo lye lye etele puuyelele onkalo yenongelo ndyoka opo li vule okutseyitha lyo eta li kwathwa.

LEAVE A REPLY

Please enter your comment!
Please enter your name here