Namibia iilongekidha oku ilonga kuJamaica

0
266

 

WINDHOEK – Ominista yOpevi yOmaudhano, Aagundjuka  nIilonga yopashigwana oya ti ethimbo olya thikana opo oshilongo shi tameke oku ilonga kiilongo omanyakwa muuyuni.

Ndhika Agnes Tjongarero okwe dhi popi pethimbo a taamba omuyenda a simana oshowo omumatuki dhingi omukiintu muuyuni nomukwashigwana gwa Jamaica, Shelly-Ann Fraser-Pryce sho a thiki moNamibia pokapale kopaigwana ka Hosea Kutako oshiwike shika .

Tjongarero okwa ti Namibia oku na omathaneko oku etapo omalunduluko momukalo gwe gwoku dheula aadhani naashika ote ke shi pondola ngele okwa koleke omakwatathano ge niilongo ngaashi Jamaica opo iilonge, oshowo a pewe ontseyo miinyangadhalwa ya yooloka  unene tuu moshitopolwa shomaudhano.

” Okukalapo kwa Fraser-Pryce muka ota ku ulike kutya tse otwa hala okuuka mondjila yini ngele tashiya komaudhano, otwa hala aantu mboka taya vulu okuhwameka nokunwethamo aanona aaNamibia na Fraser-Pryce oye omuntu gumwe gwaamboka .Nena esiku lyopandjokonona mo Namibia  sho omukiintu ena ondapo onene pethimbo ndika muuyuni auhe  eli metalelopo muka naampaka. Okweya okutu hokololela nkene eshi enditha okuhwameka oshowo okunwethamo aadhani ayahe aaNamibia,”  Tjongarero a ti.

 

“Okupitila muye oshowo aamatuki yalwe ya simana nomanyakwa muuyuni mboka ta tu ke eta muka monakuyiwa , otuna etegameno  kutya omahokololo gawo otage tu etele etegameno  noku pa aadhani yetu omukumo  kutya na yo ota ya vulu okuninga omanyakwa polwawo,”

 

“Nomakwatathano ngaashi ndika pokati ka Namibia na Jaimaica oshowo niilongo yilwe , ngame ondi itaala kutya ota tu tsikile oku ilonga oshowo oku mona uuwanawa sho ta tu tameke olweendo okukonga noku etapo  omanyakwa gomonakuyiwa otandi dhiladhila kutya  otwa kutha ondjila yuuka,” osho  Tjongarero a popi pehulilo.

 

LEAVE A REPLY

Please enter your comment!
Please enter your name here