Ndawanapo oye omuhikingalo dhingi woAfro pop muAfrica

0
290

 

WINDHOEK – Omuimbi ngoka omushona nomunongo mokuninga noku imba oongalo dho Afro pop, Immanuel Ndawanapo Ndume a tseyika nawa Ndawana osho a tula Namibia pomuthika gwopombanda sho a sindanapo ekopi lyomuhikingalo dhingi gwoongalo dho Afro Pop mu Africa alihe.

Ndawana okwa li asindana nokangalo ke hoka kedhina Ondjila Oile, ali eka pititha komapandja gwokwiinyanyudha goIntaneta omwedhi gwapiti. Okwa holola enyanyu lye ta ti shika otashi ka kala oshiholelwa oshiwaanawa kaahikingalo mboka aashona opo yi itule miitalenti yawo.

Egandjo ndika lyomapapa olyali lya ningilwa moAbudja, Nigeria ongulohi yEtitano ehuliloshiwike ndika lya piti.

Aalongekidhi yoshituthi shika oya holola miikundaneki yo ko Nigeria kutya shika oshali osho shotango omakopi ngaka ga gandjwa kaahikingalo mboka yeli pondje yoshilongo Nigeria.

Ethigathano ndika ohali ningwa aluhe oku tula aahikingalo mboka opo ta ye ya pomuthika gwopombanda noku ya kumika opo ya tsikile komeho. Konyala aahikingalo yaadha lwopo 170 oyali yu udhitha muucategory mbuka wuli 20, omvula ndjika. “Onda hala ashike okupandula aahikingalo ayehe mboka aashona naayambidhidhi yandje mboka ya kala noku taandeleka okangalo kandje kointaneta,” Ndawana ta ti, manga inaagwedhapo kutya ota ka topola oshipambu shokusindana kwe pamwe naayambidhidhi ye ye li 500.

LEAVE A REPLY

Please enter your comment!
Please enter your name here