Ombaanga yoSME  yeegulula omayakulo pOshana Mall

0
271

 

Ombaanga yoSME Bank, ndjoka yili kuume keyokomeho lyaNamibia  oya tameke oku gandja  omayakulo gopambaanga  Olyomakaya ga yi  sho ya egulula oshitayi oshipe pendiki lyoongeshefa lyOshana Mall mOngwediva.

Oshitayi shika pahapu dhombaanga ndjika otashi humitha komeho omathaneko gombaanga ndjika no ta shi tsu kumwe  nondungethaneko ya yo okunkondopeka ekalepo lyayo momahala ogendji gaNamibia opo yi vule oku adha aayakulwa yayo apehe mpoka ye lipo.

Oshitayi shika oshipe otashi adhika komweelo gokuuzilo wendiki lyoongeshefa ndika, na otashi ka pa aayakulwa  kutya mbaka aanangeshefa nenge oohandimwe omayakulo. Otashi kala hashi eguluka okuza ohetatu yongula sigo ontine yokomatango momasiku goshiwike.

Omuwiliki gwombaanga ndjika , moshimpungu shokumbaanga, Laban Ndjadila okwa ulike euvo nawa lye  meegululo lyoshitayi shika a ti, “elalakano lyetu limwe okukoka, olyo oku adha noku ya mpoka pena aayakulwa yetu shaampoka taya adhika moshilongo ashihe. Oshitayi shika otashi ketu kwathela opo tu longe naayakulwa yetu paumwene moku ya yakula, naashika osho tashi tu yoolola mokati ka yalwe. Oshitayi shika osha tulwa mendiki lyoongeshefa mOshana oshoka ehala ndika ewanawa omolwashoka ohali talelwapo  kaantu oyendji.”

Oshitayi shopOshana Mall oshina aaniilonga oyendji aakalimo yomuumbangalantu tashi ulike kutya ombaanga otayi yambidhidha oshowo okuhumitha komeho iitalendi ayihe moshigwana.

“Kakele keshina lyo ATMs ndyoka tali adhika pOshana Mall, oshitayi shetu oshipe  ota shi kwathele noku yakula aayakulwa yomwaalu omunene ngoka gwa tegelelwa okupita mendiki lyoongeshefa ndika. Otashi kala oshitayi shuudha moku gandja omayakulo agehe gopambaanga oku ulika kutya tse otwi itulamo meyakulo lyaayakulwa yetu,” Ndjadila osho a uvaneke.

LEAVE A REPLY

Please enter your comment!
Please enter your name here