Priscilla ota ka imba oshali koWarehouse Theatre  

0
225

 

Windhoek – Gumwepo gwomaakadhona nenge aakiintu mboka ha ya imbi oongalo moNamibia, a tseyika ashike nedhina Priscilla Desert Namibian Queen nenge Prisicilla, ota ka imba mehala lyokunwina nokulila moWarehouse Theatre, Boiler  Room, Etitano ndika.

Shika otashi ka kala oshikando oshitiyali Prisicilla ta ka ulika uunyakwa we nokunyanyudha aatali, konyala sho ali a nyanyudha engathithi lyaaholi yoongalo dhe momukokomoko gwomvula ndjika. No ko Goethe Centre hoka a li a hokitha oyendji oongalo dhe.

Priscilla omvalele yaSouth Africa, no kwa li aholokele moNamibia mo 1988, moka ali akwatwako kuuwanawa wa Namibia nokombepo yo ku imba oongalo. Oshitalenti sha Prisicilla osha li sha londo pombanda nokuhokiwa koyendji sho a li a tameke oku imba iiyimbo ye pamwe na  Lize Ehlers.

Priscilla okwa tegelelwa oku ka imba nokuli okangalo ke hoka “Malva Pudding” ta ka popi kombinga yohole. Oshiindingili shika otashi ka kala itaa shi futilwa sha okupita pomweelo nomiyelo ota dhi ka eguluka po heyali yokongulohi.

LEAVE A REPLY

Please enter your comment!
Please enter your name here