Ya gandja iizalomwa kiihakanwa yomulilo

0
425

 

ONGWEDIVA – Aakwashigwana yaali yomUukwiyuushona oya gandja omagano giikutu kaayelele oshowo kaakalimo mboka ya pililwe omagumbo gawo yomoshikandjohogolo sUukwiyuushona oshiwike sha ziko.

Shika oye shiningi konima sho yalesha moKundana moka mwali mwa shangwa kansela gwUukwiyuushona Andreas Amundjindi ta indile aaNamibia aanamutimahenda ya kwathele mboka ya pila omagumbo gawo.

Aakwashigwana mbaka Hilma Gidion na Malakia Tangeni Nekwaya oya gandja omakumbatha gaali, oondjato oonene ndhoka hadhi ithanwa ‘ngashingeyi’ (nenge mwauvako) dhili mbali dha udha iikutu opo kansela a vule okuyi gandja kaakwashigwana mboka ya pililwa omagumbo gawo.

Gidion okwa ti ye omukwashigwana omunamutimahenda naasho a lesha Kundana okwali a tokola opo a gandje shoka ena po.

Amundjindi okwa to okwa nyanyukilwa Gidion na Nekwaya sho yi iyamba noku kwathela. “Oye tu pa omakumbatha noondjato  mbali dhina iikutu yaalumentu aayelele noshowo mboka yena omagumbo ngoka gapya,” Amundjindi ati ngaaka.

Okwa ti shika oshinima oshiwanawa na ota indile aanangeshefa unene mboka yeli moshitopolwa Oshana opo ya kwathele aantu mboka yeniwe koluhepo.

 

Moshikandjohogololo shaUukwiyuushona omwedhi gwa ziko sigo omwedhi nguka omwali mwa lopotwa iiponga yomundilo ya adha pu ihamano. Moka omagumbo ga li ga lungwina thilulu.

Gamwe oga lopotwa ga fikwa kaanona, gamwe oga lopotwa ga fikwa ku walye omanga ngoka taga etitha ohenda oongoka ga fikwa kaantu ya dhenga mo ‘don’t wali’ sha pitilila.

LEAVE A REPLY

Please enter your comment!
Please enter your name here