Ya pulwa ya gamene omaliko goskola

0
728

 

ONYAANYA   – Ngaashi shili omukalondjigilile kutya aluhe sho shu uka pehulilo lyomumvo aanaskola yo mondondo onti-10 osho onti-12 ohaya kuutumbile ekonakono lya hugunina lyokomumvo ndyoka hali yoolola kutya aalongwa ota ye shi uka peni omvula ya landula. Ndika otali tameke oshiwike tu uka.

Omukuluntuskola poseko yUukule, Jennifer Mwale-Lizazi okwa li a kumagidha aanaskola opo mbaka yaa kanithe omikalo ngaashi hashi ningwa olundji pethimbo ndika. Okwe ya kumagidha opo yaa kambadhale oku  hanagulapo noku yonagulapo omaliko gomoskola , molwashoka ye wete kutya oya mana no ita ya ka galukile mowe moskola omo tuu moka andola.

Lizazi ta ti moskola yawo moka omuna aalongwa yeli 910, aalongi 37 oshowo aaniilonga  yokomuhandjo nomekulo yeli 37.  “Osikola yetu oya kala tayi gandja iizemo ta yi nyanyudha mondondo onti10 no12 muule woomvula dha piti no tuna omukumo momvula ndjika natango kutya  aanaskola yetu ota ya ka longa shi vule pwaashoka yo ya kaleke oskola yetu mokaalita, aalongi oyi ilongekidha ethimbo kehe oku kwatha mpoka sha pumbiwa,” Lizazi ta uvaneke ngaaka.

Omukuluntuskola nguka ta gwedhapo kutya nonande oskola oyo tuu ndjika tayi ningi nawa oya li ya longekiha esiku lyowina opo ya gandje olupandu kaanaskola mboka ya longa nawa noya gandja iizemo ta yi nyanyudha momakonakono gawo agehe. Aalongwa okuza pondondo onti-8-12 oyali ya pandulwa molweitulemo miilongwa yawo yoskola.

Tangi Angula omulongwa mondondo onti-9 oye ali a ulikwa oye kadhenga a thigapo aanaskola moskola ayihe yUukule, Angula okwa li a pewa omagano ogendji mono mwa kwatelwa nokompiuta yopeke neshina lyokutopatopa, okwa pewa woo ekopi noyindji. Gamwe gomomagano ngono gali ga pewa aanaskola esiku ndyoka ogali ga gandjwa komulongwa omukulu mosikola ndjoka Omutseyimpango Sisa Namandje.

Mocks Shivute gokoNational Council for High Education Secretariat okwa li a halele aanaskola mboka ya tegelela oku kuutumbila ekonakono lyawo lyahugunina omukumo , yo ilonge nuudhiginini oshoka oonkalamwenyo yawo oyi momake gawo. Okwe ya indile ya kalekepo omaliko goskola ngaashi geli, yo ta ya yanda okuga hanagulapo oshoka ogo taga ka longithwa komapipi ga landulako

Vandalism2 Vandalism

LEAVE A REPLY

Please enter your comment!
Please enter your name here