Lady May ota ti po hwepo moICU

0
403

Lady May, onkulungu moondjimbo omuNamibia ngoka a mona omasindano ogendji ota tipo hwepo mosaala yetonatelo enene moshipangelo shimwe shomoVenduka, Selma Neshiko ota kundaneke.

Lady may ngoka a tseyika ngaaka, nedhina lyoku imba oongalo omanga edhina lye lyolye ne oye Martha Namundjembo okwa li moshiponga sho sheenditho oshiwike shayi.

Lady May okwa li a pumwa koshihauto shokututa nokufala iinima pomahala nomahala omanga ye a li a londa kokapakapaka ke pomatsakaneno goondjila mpoka pena oostopa ne.

Pahapu dha Hilda Basson-Namundjembo, ngoka a popi pehala lyezimo, Lady May okwa li natango mosaala yo ICU moshipangelo shimwe moVenduka, konima sho a li a tandwa mEtitano oshiwike sha yi.Omuhikingalo nguka okwa ehama kepunga limwe oshowo okwa teka monto.

Basson-Namundjebo okwa ti onkalo yomwiimbi nguka oya ngungumana no yi li nawa no ta hwepopala nawa molwepango ndyoka ta pewa. “AakwaNamundjembo otwa pandula eyambidhidho  oshowo omagalikaneno, nomahalelo omawanawa ngoka twa taamba okuza koshigwana. Na ota tu mu indile natango opo mu tsikile oku mu galikanena,” osho Basson-Namundjebo a ti.

Omwiimbi keli natango monkalo ombwaanawa yoku talelwapo kuyalwe kakele owala ketalelopo lyaa kwanezimo.

Lady May okwa ningi omunedhina moshimpungu shoonkulungu moondjimbo nomiiyimbo.Esimano lye oteli pandulile oalbuma ye yomumvo 2004 yedhina Kamali, ndjoka ye mu sindanithile epapa pethimbo lyegandjo lyomapapa kaahikingalo lya Sanlam NBC Music Award. Okwa li wo a kalelepo Namibia muudhano wokotiivi pethimbo ndyoka woshikando oshitiheyali wa tseyika nedhina Big Brother Africa nokwa li gumwe gwaakiintu ya hugunina ya thigalele methigathano ndyoka a ka zamo ashike omanga omusindani gwethigathano ndyoka inaa tothwamo.

LEAVE A REPLY

Please enter your comment!
Please enter your name here