Ndjeke ota popilwa onkambadhala yeikuthomwenyo

2
2837

 

ONGWEDIVA- Omudhani gwiinyandwa yOshiwambo Jeckonia Akuunda a tseyika nawa nedhina Ndjeke yaMalimba omukuusinda gwAngula anuwa omasiku ngaka okwa li ta ningi onkambadhala yokwiikutha omwenyo molwaashoka a thigwa po komukulukadhi, ngoka opo ashike a hokanene muMai nuumvo.

Oonzo dhomauyelele ndhoka dha thika po puAkuunda odha hokolola kutya omunyandi nguno okwa li a falwa koshipangelo shaShakati meendelelo konima sho a nu oopela ndhoka kaadhi shiwike kutya odholudhi luni.

Ashike Akuunda ye mwene okwa ekelehi omapopyo ngano, ta ti iifundja yowala, na Kundana ota mana po ethimbo lye, ye ita ti kosha.

Oonzo dhomauyelele odha ti mOmaandaha goshiwike shika oshali oshikando oshitiyali omunyandi nguka ta kambadhala oku ikutha omwenyo. Anuwa oshinima shika otashi halutha okwe shi kambadhala oshikando shotango mOsoondaha ndele ina pondola sha.

Okwa hokolwa kutya Akuunda okwa li a thigwa po komukulukadhi gwe muule wethimbo lili meni lyoomwedhi ne, konima ashike sho omwanakadhona a mana oondjenda muuwehame wethimbo efupi.

Omapyopyo ina ga kolekwa otaga ti kutya okuza poosa dhokanona hoka kaAkuunda ondjokana oya kala kayina ombili ihe shoka sha kutha po ombili oshi shiwike ashike kuyo yaali.

Akuunda oku shiwike nawa niinyandwa mbyoka yi na iipalanyolo Konalenale na Telekeshe yatawasha. Nonando iinyandwa mbika oya li ta yi hokitha petameko uuyelele umwe otau ti kutya iinyandwa oya kanitha omulyo nongushu sho Ndjeke a tameke oku shendja aadhani nkandangala yomiinyandwa moka.

Okwa shekwa woo nokutya okuli ha nyokoma aadhaninyandi miinyandwa ye mboka heya futu anuwa kashona.

2 COMMENTS

  1. My brother let your life rest! Trust in god dont try your feelings to manage you! Control them and do the right thing my brother men we still loves u and you have a big name amoung the nation! Still try to keep your name my brother men! Try to see your parrents if it is difficult to you.

LEAVE A REPLY

Please enter your comment!
Please enter your name here