Obaskeball mOngwediva ehuliloshiwike ndika

0
233

 

ONGWEDIVA-Konima sho oliha yo Basketball ya li ye ya pehulilo omweedhi gwazako, oosipana ndhoka dha li dha kutha ombinga moliha ndjika ota dhi kiinika komakombo opo ku talike osipana ndjoka tayi ka kutha ombinga muudhano wopashigwana woosipana oonankondo moshilongo.

Ehuliloshiwike ndika omakondombolo ota ga kalya ehete pokapale ko UNAM Engineering Campus mOngwediva mboka wa tegelelwa wu ka kale ita wunuwa omeya.

Uudhano wotango otawu ka kakala pokati kOshakati Basketball Club nOngwediva Basketball Club potundi 11h30, nuudhano mbuka owa tegelelwa wu ka kale wumwe womuudhano tawu nyanyudha wesiku oshoka oosipana ndhika mbali shampa dha tsakanena ontsi ohayi tsimi kombanda yomeya.

Uudhano uutiyali wesiku otawu ka kala pokati ko Veterans Basketball Club na UNAM Engineering potundi sho tayi ka kala 13h00 yomutenya.

Oosipana otadhi ka tsikila nuudhano shi ikwatelela komasindano gawo sigo pwa monika omusindani.

Pehulilo lyuudhano, otapu ka ningwa oshituthi shegandjo lyomapapa koosipana dha longa nawa, moka osipana ndjoka tayi keya pehala lyotango ta yi ka pewa okapandi ko N$ 3000, ontiyali N$ 2000,omanga ontitatu tayi ka pewa N$ 750.

Oondjila adhihe odhuuka kokapale okapeepeka ko UNAM Engineering Campus mOngwediva.

LEAVE A REPLY

Please enter your comment!
Please enter your name here