Olugodhi lwa Bulelo osho lwa thiki

0
435

 

 

ONDANGWA – Omasiku ngaashingeyi ga thikana konima sho kwa kala kwa tegelelwa olugodhi lwa Hedison Nghipondoka ngoka a tseyika nawa nedhina Bulelo. Bulelo okwa tegelelwa a ka kondjithe Ronaldo Pasquale omuAngola.

Uudhano mbuka otawu ka dhanenwa pEkamuti mondoolopa yaNdangwa. Bulelo okwa tseyika nawa gumwe gomaatungilutu moNooli yoshilongo , nolundji oha kutha ombinga momaudhano goongonyo . Uudhano mbuno owuliko mehuliloshiwike lyomasiku 17 ga Kotomba omvula ndjika, nowa longekidhwa koSmart Boxing Bonanza, no ta yi ka eta uudhano mbuka oshikando oshitiyali.

Gumwe gomaa unganeki wuudhano mbuka Villo Shikeva okwa ti uudhano mbuno oya kala ye wu longekidha noya hala aakwashigwana ye ye ya tale nkene omakondombolo ta gali ehete. “ Esiku ndyoka otwa tegelela ku ka kale omaudhano ga adha pu ga 8 nolugodhi lwa Bulelo olwo talu ka kala uudhano unene wesiku, ileni tu gandjeni omukumo kaamati nkene taye shi iningile naashino ota ye shi pondola owala ngele aakwashigwana tamu holoka ne mu gandje omukumo gweni,” Shikeva ta ti ngaaka.

Gamwe gomomalugodhi ngoka ga tengenekwa gaka kaleko ehuliloshiwike ndyoka ongaashi ndyoka tali ka kala pokati ka Matheus Kasolo na Jason J, Erastus Elias na Hamukwaya Salm,Hafeni Ngesheya na Try Again, Kamati Nestor na  Julius Sheefeni,Joseph Abel na Victor Ndaluka,Erastus Jonas na Ndilenga Matheus oshowo ndoka lwa David Angula na Shiningombwa T.

Aamati mbaka sho yali ya adhika ta ya idheula mOndangwa oyali ya holola enyanyu lyawo ta  ya ti oyi ilongekidhila uudhano mbuka oshoka oya kala yewu tegelela ethimbo. Bulelo naye ngono a ti okwa tegelela omukondjithi gwe okwa uvaneke aaholi ye kutya ite keya uvitha nayi, ota ka kondja neitulemo.

Bulelo pethimbo ndika okwi ilongekidha okugandja omadheulo kepipi eshona ndyono lina ehalo nohokwe mokudhenga oongonyo, ta indile ayehe yena ehalo ya kale yemu mona opo oshilongo shi kale shina aadhengingonyo oyendji mbono taya vulu ye ete omapapa noombandi moshilongo. Ta indile woo aakalimo ayehe yomOndangwa nopomudhingoloko ya kale ya holoka yo ye ye ya nyanyudhwe kaadhengingonyo esiku ndyoka.

LEAVE A REPLY

Please enter your comment!
Please enter your name here