Ovadani dulikeni opo mu hange efindano

0
274

 

Lüderitz – Omunamido 66 Simon Ndemlungila Haindongo, umwe womovakwatelikomesho vetanga lokeemhadi moshitopolwa sha //Kharas, okwa kumaida ovadanauki vo maudano aeshe vakale vena efimaneko, eduliko, nelongelokumwe, opo ashike ta va dulu oku hanga omafindano momaudano.

Haindongo okwa tumbula edi pefimbo ali ta kumaida ovadani tanga po Lüderitz Junior Secondary School, eshi ali ashivwa owina opo a kale peyandjo lomapapa owina kovanafikola ovo hava dana o soccer oshoyo o netball po fikola opo.

Moku kumaida ovanyasha, Haindongo okwa tumbula kutya yeemwene opo akale ena ohokwe yo udano fiyo opomido edi eli paife leedula 66 noku nana natango oshinakuwanifwa momaudano, okwa kala ena efimaneko lomushikishiva, efimaneko lovadani pamwe naye , yee okwa kala yoo ena efimaneko lomunhu keshe.

Ta tumbula kutya ngee ovadanitanga unene tuu ovo veli ovanyasha lela ova tula moilonga aishe oyo, efindano ovena okulimona.

Ovanafikola po Lüderitz Junior Secondary School ovo ha va dana o soccer oshoyo o netball ,ovali vena  eyandjo lomapapa owina pofikola opo Etitano la djako, eshi veshi endifa nawa mekopi lo Metropolitan 2015, olo la danenwa kOshakati.

Ovadani aveshe ava vo netball no soccer oveuya pondodo onhivali . Onetball ova findana N$9 000 oshoyo o soccer ova findana N$9 000, osho sha etifa opo ova nafikola ava va etele ofikola yavo N$18 000.

LEAVE A REPLY

Please enter your comment!
Please enter your name here