Peni aanona ompito ya kuthombinga momaudhano

0
305

 

ONGWEDIVA-Omudheuli gwosipana yopashigwana yoKarate moNamibia, Freddy Mwiya okwa kumike aavali opo ya pe uunona wawo oompito dhoku kutha ombinga momaudhano omanga yo aashona natango.

Mwiya ndhika okwe dhi popile puudhano wopashigwana wokarate mboka waliko ehuliloshiwike lyaziko mOngwediva , oku uvite kutya uunona owundji ohawu tameke omaudhano ethimbo lyapwapo naashika ohashi nayipike onakuyiwa yomaudhano moshilongo.

Okwa ti uunona nau pewe ompito oku kuthombinga momaudhano gayooloka opo ngele wa koko owu na ontseyo na ota u vulu okuninga omatokolo geli mondjila ngele otashiya pamaudhano ngoka ya hala okudhana.

“ Uudhano ngaashi woKarate mboka ta tu dhana nena owuna uuwanwa owundji moshigwana ,oshoka okarate ota yi longo aantu omikalo, otayi pe aantu uunongo wokwiigamena uuna yeli monkalo ya nika oshiponga na okukala yena uuluyi tawu longo nawa ethimbo kehe.

Ethigathano ndika lyopashigwana olya li lya kalwa kaadhani yeli 182 yaza koombinga ne dhoshitunda Namibia moka Zaid Ely na Katelin Martin yali ya toolapo iishani yethigathano ndika nokuninga omanyakwa muudhano mbuka, wali wanana aatali oyendji.

Ely okwali a sindanapo uudhano waalumentu konima sho ali amono omasindano momadhingoloko ogendji, Martin ngoka eli omutitano momusholondondo omupe gwaadhani yoKarate muAfrica, naye okwali adhengemo aakiintu ooyakwawo niitsa oyindji noku yakulapo oshishani shika na oye enyakwa epe lyoKarate kombinga yaakiintu  moNamibia.

LEAVE A REPLY

Please enter your comment!
Please enter your name here