Salmi ota ka ulika uunongo we moTaiwan

0
315

 

WINDHOEK-Salmi Magano Nambinga, gumwe gwomaakadhona dhingi moNamibia, oku  iilongekidha opo a kale a galukila moNamibia noshikoloni shika sho Face of Beauty  International (FBI) tashi ka ningilwa moTaiwan okuza Osoondaha ndjika.

Okwa holola ta ti okuhogololwa opo aka kale a kalelapo Namibia pondje yoshilongo ngele tashiya poku enda dhingi, okwa ti ye oku uvite uuntsa unene  nokwa tengeneke kutya iinima ayihe otayi ka enda nawa.

Okwa holola woo kutya ndjika oyo ompito ye ombwaanawa okutsakanena pamwe naakadhona yoondjelo oombwaanawa mboka ya za kiilongo yi li no yiili muuyuni.  Okwa ti ngele okwa sindana po ekopi ndika oyendji yomaagundjuka aaNamibia ota ya ka li kola mo sha.

“Okusindana oshikoloni shika ka shishi nande oshinima oshipu, notashi pula oonkondo adhihe, neitulomo,” Salmi ta ti.

Salmi omukadhona a valelwa nokutekulilwa mOshakati, moka a manene omatilika ge, nokwali a tsikile poshiputudhilo shopombanda  moVenduka (Unam).

Okwa tamekele noshitalenti she mo2012 moka a li a tameke oku enda nokusitapa piituthi iishona, sigo a pyokoka nawa. Omvula yaziko okwa li a sindanapo Miss Katutura Expo, nokwa kutha ombinga momathigathano ogendji.

Ethigathano ndika okwa ti otali ka kala olyo limwe enene kuye, no ta ka kambadhala sigo oompoka ta vulu opo a ete oshikoloni kegumbo.

Salmi-1

LEAVE A REPLY

Please enter your comment!
Please enter your name here