Tonateleni aakulupe yeni nawa

0
451

 

OKADHIYAKOSHUUMBWA- Kansela Gerald Shiimi gwoshikandjohogololo Elim moshitopolwa shaMusati okwa londodha aakalimo mboka ha ya kwatele aakokele  niilema kutya na ya kale ye ya tungila oondunda dhokulala dhi shi okutalwa. Shika okwa hala shaningwa meendelelo ngaashi tashi vulika.

Shiimi okwa ti oluhepo moshigwana otalu dhengwa po ashike ngele iimaliwa mbyoka tayi gandjwa kepangelo ota yi longithwa nawa ngaashi sha dhiladhilwa oku yakula aakuluntu mboka ye li methimbo lyesilohenda oshowo aakwashigwana mboka yena omaulema.

Okwa ti moshitopolwa she ita ka pitika mo nande omukwashigwana keena ondunda yoku lala ye ha taamba oshimaliwa shiipewahenda tashi zi kepangelo.

“Mboka taya kwatele aakulupe na ya i dhengele ashike okatenda kutya na ya tameke okutungila aakulupe mbaka oondunda dhokulala oshoka ngele hasho ondina okuya katukila onkatu,” Shiimi a ti ngaaka.

Kansela okwali a yi moshitopolwa she ndele ta taalelepo aakulupe mboka a nothelwa ko kutya ka ye na oondunda dhokulala .

Sho Kundana a ende pamwe na Kansela aakulupe yamwe po oya li ta ya tondoka ya fa ye li kohi yompango ta ya ti ngame ondunda yandje onde yi ninga nawa nonda landa iipelike itano poshikando.

Shika oshali tashi uvitha nayi noshiyolitha noonkondo ashike oshali etso mukumo enene kaakulupe nosha eta omalunduluko omanene mokulamwenyo kwawo.

Naashika osha longo woo aakwati yopenzela oku longitha nawa iimaliwa yawo mbyoka.

Tatekulu Raphael Shamba oye gumwe gomaakulupe mboka yali ya lombwelwa ku Kansela ya tunge oondunda dhokulala oshoka mondunda ndjoka  ali ha lala oyali ya nyaika na kayi li pamuthika omwaanawa.

Shamba okwa ti nonando okwa li a tila petameko , ngashingeyi okuli hwepo na okwa landa nale iipeleki itano mopeyi ye ya ziko okwa ti ota tsile noku  landa ko ngaa shimwe noshimwe  sigo ta gwanitha.

Shamba oku li megumbo noyana, omukulukadhi gwe noshowo aatekulu ye.

Shamba okwa li a lombwele Kundana kutya nonando okwa kala ta kwata openzela uule woomvula omulongo dha ka pita kali naanaa ena edhilaadhilo lyoku tunga ondunda oshoka iimaliwa ye oyina iilonga oyindji.

Johanna Martin na ye woo ogumwe gwaamboka kaa ye na ondunda oombwanawa dhokulala.

Ashike Martin onkalo ye oyi ili oshoka ihanu ashike iimaliwa ye oha fumvike mondunda ye.

Ashike esiku Kansela emu thikama ete mu lombwele a lande iitungithi Johanna okwa li a landa iipeleke yili omulongo 18 poshikando .

“ Shika oshikumithi oshoka iipele yili omulongo 18 oyindji oku landa poshikando sha hala okutya aantu ota ya ningile iinima owina,” Kansela a ti ngaaka.

Hekulu Martin Festus Uunona okwa ti kutya Martin mondunda moka ha lala ngashingeyi omu etitha ohenda oshoka na ye mwene oha yi mo nuudhigu .

Kundana sho a tala pondunda mpoka opwa tatwa noongodhi na kapuna nande ogumwe ta vulu oku hwatununa po.

Ompupya omunene Martin kali a adhikwa mo megumbo pethimbo Kundana a talelepo egumbo lyaandjawo ye a wape oku yamukulla kutya omolwashike a li ini itungila ondunda nale ngele okwa landa iipeleki oyindji poshikando.

 

LEAVE A REPLY

Please enter your comment!
Please enter your name here