A tsakaneke omwanakadhona konima yomivo 38

0
583

 

OMUNDJALALA- Omusaane omukokele okwa li a nyanyukwa lela moku  tsakanena nomwanakadhona ngoka a ihulu nale konima yoomvula omilongo 38 omanga a li ena ashike omvula yimwe.

Erasmus Sem Shaanika gwomomukunda Omundjalala mUukwambi moshikandjohogololo shaElim moshitopolwa shaMusati okwa li a nyanyukwa mehuliloshiwike lya ziko sho a tsakanene nomwana ngoka kaa li eshi kutya otaka tsakanena naye moku kalamwenyo kwe.

Shaanika okwa li a tsakanene nomwana Mwadhina ngoka ngashingeyi ha ithanwa  Pamela  Zikhona Nompunga ngoka a putukila moSouth Africa moka omo muna yina nomumwayina kadhona Kandari ngoka woo avalwa ku Shaanika na naye okwa ihula he konima yoomvula omilongo 39.

Nompunga okwa ti kutya nonando okwa koka okwa kala u uvite onkalamwenyo ye ina yi igwana po sho keena he na inaa kala puye.

Nompunga ngoka ta longo ongo omunambelewa omunene gwo kulonga iilonga yelelo muuMinisteli wegameno mo South Africa ndyoka tali ithanwa  South National Defence Force (South Africa Navy) okwa ti okwa tokola opo a konge aantu yofamili ya he kointernet kepandja  ndyoka tali ithanwa Facebook .

Okwati okwali amono aamwayina aamati naakadhona na okwa li a ningi omakwatathano nayo.

“ Okuza mpoka onda kala ndina omukumo na onda tokola opo ndi gongele oshimaliwa shandje sholefa nokutulamo woo efudho opo ndiye ndi talelepo tate gwandje ngoka ndali nda hala okumona ,” Nompunga a ti ngaaka.

Okwa ti nonando omumwayina kadhona ngoka omukuluntu Kandali Nontuthuzelo Sobodo okwa li te mu sitha uunye kee ye konNmibia eye a talelepo he okwa ti okwali a tokola eye nangasingeyi oku uvite etumba sho a tsakanena nahe.

Nompunga okwa ti kutya ngashingeyi ota ningi he ya koNamibia opo a kale ta taalele po he.

Oya valwa ashike yaali ku yina ashike kuhe oyeli omugoyi.

Shaanika ngashingeyi okuna aanona yaheyali nomukukadhi gwe gwomegumbo omanga ena yaali nomukukadhi ngoka eli koSouth Africa.

Shaanika okwa ti naye okwa kala ena ehalo oku tsakanena naanona ye. Nonando kali eshi mpoka teya tsu.

Okwa ti okwa ninga woo onkambadhala oku tuma mboka haya yi ko South Afrika niilonga ya konge omukulukadhi gwe ngoka. Ashike ka puna nande ogumwe emu galukila.

Okwa ti omukulukadhi gwe Kristofina Aludhilu naye okwali a kala temu ula omalaka kutya ota ka pangulwa ku Kalunga ngele ina ka konga oyana mboka ha popi.

Okwa hokololele Kundana kutya ye nomukulukadhi gwe ngoka omuSouth Afrika oya li ya tsakanene mOutjo moka a li ta longo onga omupangi omanga Shaanika a li t a longo pomahooli momumvo 1974.

Okwa ti oya kala pamwe sigo omumvo 1978 moka Shaanika a yi a ka longela koVenduka na okwali a kanitha omakwatathano nomukiintu gwe sigo onena.

Omukiintu gwe meme guunona we uyali okwali woo naye a shuna kegumbo hoka a li ta longo sigo momumvo 2007 moka ali a penzelwa.

Sho a popi nomuholike gwe omukulu Shaanika okwa ti oya uvathana opo ya ninge omalongekidho aanona ye naatekulu ye yeye yemu talele po esiku limwe.

Oya kala haya uvathana nomukulukadhi gwe ngoka, melaka lyoshimbulu ihe ngashingeyi aanona ihaya popi oshimbulu otaya popi ashike oshiingilisa noshiKhosa.

Ashike ngashingeyi ohaya popi ashike moshiingilisa shoka Shaanika na Aludhilu ka ya popya.

Ashike Shaanika aniwa oku uvite ko ngaa kashona.

Nompunga okwa li a thindikilwa komuniilonga pamwe naye ye okuume ke Philiswa Mboyise ngoka ati kutya ye okwa putudhwa kaakuluntu ye ayehe na okwali ewete sha simana oku thindikila felende ye opo a ka talele po he.

Kansela gwoshikandjohogololo sha Elim Gerald Shiimi okwa ti shika oshinima oshindungiki kwaamboka kaye shi oohe na okwali a kumwa komuntu ta ende oshinano oshile ngaaka nelalakano oku ka konga he.

Nompunga okuna okanona kamwe omanga Sobodo ena uunona utatu. Okwali a zalekwa ondiyu.

RE-UNITE-(2) RE-UNITE3

 

LEAVE A REPLY

Please enter your comment!
Please enter your name here