Aagundjuka yomOmuntele ya tyapula esiku lyawo

0
249

Aagundjuka yomOmuntele ano Omuntele Youth Forum osho ya tyapula oshituthi sha wo shokomumvo shedhina Omuntele Youth Expo oshikando oshitine nuumvo, mehulilo shiwike lyaziko, omutoolinkundana Pinehas Nakaziko osho ta shanga.

 

O Expo ndjika oyali ya ningilwa posaala yomoshitopolwa Omuntele Community Hall, mono aagundjuka yali yethike 20 ya kutha ombinga oku mona uutala wawo womalandithilo, mono yali taya landitha iikulya niikunwa yo pamuthigululwakalo, osho wo yopashinanena.

 

OExpo ohayi longekidhwa nee kaagundjuka opo ya kwatathane na yakwawo yo yiipe, oompito oombwanawa ya vule yaadhe etsokumwe mehumitho komeho noontsewo dhawo dhopangeshefa osho wo oku hulithapo onkalo yoluhepo.

 

Oshindingili shika oshali sha patululwa pambelewa komusimanekwa Henok Kankoshi ngono ali wo eya hwahwameke noku ya zaleka ombepo yuupenda opo ya longe nuudhiginini oshoka oyo aaleli yokomongula ngaashi naana gonale a tile waana mutanda ku nangombe, waana mpagona kuna iilya.Waana aanona kuna aantu.

 

Kakele komalandithilo poshiindingili osho tuu shino opwa li omainyanyudho mono mwa kwatelwa ethigathano lyokakadhona dhingi ano Miss Omuntele Expo 2015 ndyono lya sindanwapo kenzuna lyedhina Paulina Amoomo, ngono wo oye natango ali a sindana oshishani shaaMiss Personality. Paulina omulongwa mondondo ontimugoyi posekundo sikola yopombanda yomoshitopolwa omo tuu moka yedhina Rev Juuso Shikongo.

 

Gumwe gomaaunganeki yoExpo nuumvo, Johana Nangula okwa holola enyanyu lye sho oExpo ya li yeende nawa. Ota pandula aakuthi mbinga uunene yaagundjuka nota indile osho yatsikile ngaaka noku kale kapo oexpo  yi na omwenyo, ota pandula woo aayambidhi/sponors ngaashi Oshikoto Regional Council osho woo aanangeshefa yomoshitopolwa mbono yali ye ya kwathele noku ya yambidhidha.

 

 

LEAVE A REPLY

Please enter your comment!
Please enter your name here