Alex muudhigu wu vule oonkondo dhe

0
304

 

OSHAKATI – Omudheuli omugundjuka Alex Itumba oku li muudhigu petameko lela lyoliha yopombanda sho osipana  yoYoung Chiefs ndjoka ha dheula  ta yi gandja iizemo iinkundu konima sho ya dhana omaudhano geli gaheyali muudhano wo MTC Namibian Premier League na oyi na ashike iitsa iheyali pehala lyiitsa 21.

Pauyelele mboka Kundana a mono okuzilila ko nzo yi li popepi noYoung Chiefs, osipana ndjika ota yi ka kala noshigongi shomeendelelo oku kundathana onakuyiwa ya yo noshikumungu shomudheuli unene tuu pethimbo ndika  ya pumbwa okuningapo sha oshoka ngele hasho ota shi vulika ya ka galukile koFirst Division moompadhi oontalala.

Omupopiliko gosipana ndjika Belle Nandjigwa okwa ti Alex okuli ashike ta kwathele omanga osipana tayi kongo omudheuli.

Ashike nando omudheuli Alex ena onkatu onene ndjoka hayi ithanwa B licence mokudheula,oshe ya puuyelele konima yomaudhano gaheyali kutya ondjoko yoYoung Chiefs ondhigu ku Alex ngoka opo ta dheula lwotango osipana yili moPremier League.

Alex oha kwathelwa ku Damian Shuumbwa ngoka pahapu dha Belle keena nando onkatu yokudheula, naashika osha tula aayambidhidhi yosipana ndjika momalimbililo noyendji oyu uvite kutya osipana ndjika oya pumbwa aadheuli yena ontseyo yoliha ndjika noonkondo adhihe.

Belle okwa koleke omipopyo dho kwaa ihumbata nawa kwaadhani, ta ti “ yamwe yomaadhani ota ya nyengwa okwi ihumbata nawa naashika otashi teyapo ombepo yuukumwe mosipana.

Ashike okwa ti ewiliko lyosipana otali longo omutenya nuusiku oku kandulapo omukundu nguka.

Omudhani gwoYoung Chiefs gwokomeho Nuuyoma Castro okwali a thigwapo kosipana konima sho ali a nyengwa okwi ihumbata nawa pethimbo osipana yali ya talelepo oosipana dho komunkulofuta konima sho ali uula omudheuli iitya ina yi opala pethimbo a kuthwa mokapale mu ye omudhani omukwawo.

Alex okwa pumbwa okuninga iinyengandunge uuna Young Chiefs ta ka galukila mondambo ehuliloshiwike tali ya sho taya ka dhana  no Civics no sho wo  Orlando Pirates pokapale kUukwangula.

Caption (Pic: Alex.jpg): Alex Itumba omudheuli gwopakathimbo gwoYoung Chiefs

 

LEAVE A REPLY

Please enter your comment!
Please enter your name here