Captein Kalola okafeelema okanyanyudhi

0
469

 

WINDHOEK – Okafeelema hoka ta ka tokola omahuli notaka tangwa koyendji ‘Captein Kalola’ oko kamwe kadhenga mbanda ngele tashiya muunyandwa wOshiwambo, nokeli dhingi mokuyolitha.

Okafeelema haka ka ningwa kehangano lyOmalaeti Music Production no ka thaanekwa kehangano lyoBasement Film, okena okino onene, no ta ka longo no kutunga unene epipi lyaagundjuka.

Okanyandwa okadhanwa kaanyandi mboka yelimo taya dhana onkambadhala ngaashi Tate Buti, Glo, Monica naamati mboka yeshiwike nawa onga oPDK, Patrick, Deon naKamutonyo.

Okanyandwa okadhanenwa mOshikango, nota ka ulike iiningwanima mbyoka hayi ningwa pomathimbo gayoolokathana unene ngaashi monkulu yonale. Okuza komagumbo, uukamba, ashihe oshi li ta shi kumitha, nokuyolitha ishewe  mokanyandwa haka kadhanwa moshiwambo.

Oshinyandwa osha tameka naanona mboka ya li ta ya mono iihuna konima sho he gwawo ngoka oye ali mwene gwomukunda a hulitha. Ota ka popi nee kombinga yoluhepo na nkene aamati mbaka yatatu ookuume, nomukadhona gumwe ya kala nokuhupa shokadhila mpaka naampeyaka.

Tate Buti oye gumwe te ku kundu noku kuyolitha ashike manga petameko lyoafeelema haka, oshoka ota dhana oye Captain Kalola, omupolisi ngoka keena ohenda komutima. Nonando oye ta kondjitha iimbuluma, ethimbo limwe oto ti oye teyi eta oshoka ohalongo nuulingilingi.

Mateu, Ketu, Chico na Nangu mbaka oyamwe ishewe to etele ohenda oshoka otaya kondjitha oluhepo nomukalo gwapuka. Nonando okafeelema ita ke ku lombwele nande kutya ngele aamati nomukadhona nguka okwali ha ya yi kosikola nenge hasho, ito shi tseya. Pakupotokonona owu wete ashike kutya ina ya endako
kosikola oshoka oyeli ashike ta ya kondjitha oluhepo puundingosho niimbuluma.

Iiyolithi oya ka holoka nee mokafeelema kokene sho kayi mokati moka ookume mbaka ya mono po omuhona gwawo Buffalo, ngoka ya kala noku mu yaka ngaashi eehauto, opo ya mone sha shomboloto yesiku keheu. Ookuume mbaka oya tameke nokuli okulongela kumwe kakele sho Captain Kalola ngoka naye osho nokuli aka lyoina ongenga ndjika sho ahekelemo ookume mbaka opo ye mu longele shaali pehalo lya Buffalo.

Captain Kalola pamwe naamati mbaka nokakadhona kamwe oya ka uvathana ne opo ya yakepo ololi yomunangeshefa gumwe opo yamone ompito yokuya koVenduka hoka ta ya ka mona uulithilo wuli nawa. Ofeelema ndjika opo ya tega yi ka tsikile oya talikako yimwe yomoofeelema dhingi dha dhanwa moshilongo.

Caption (Pic: Captein Kalola.jpg): Aanyandi yokafeelema Captein Kalola.

LEAVE A REPLY

Please enter your comment!
Please enter your name here