A longele okatekulu komivombali iilonga itilithi

0
354

 

OUTAPI – Okanona ko kakadhona komimvo oka yonenwa onkalo yako sho anuwa ka kwata onkonga ku hekulu omunamimvo omulongo 15 mehuliloshiwike lya ziko.

Pahapu dhopolisi omumati ngoka okwa li a thigwa megumbo nomutekulu gwe omanga yina yomunona a ya puushinda.

Omupopiliko gwopolisi Seargent Anna Kunga okwa ti omutamanekwa okwa holokele mompangu kOshakati hoka ali a ulikwa omune oku holoka ishewe mompangu oshikando tashi landula.

Uuyelele owa ti yina sho a galuka puushiinda okwa adha omwana oye awike megumbo omanga hekulu anuwa a ya a ka dhana etanga lyokoompadhi pomukunda gwawo mpoka.

Elina Erastus yina yomunona, sho a popi na Kundana okwa ti kutya ye okwa adha ashike omwanakadhona ta ende ta tina .

“Ngame onde mu pula kutya oshike ta tina nokwa lombwele ndje kutya okwa ehamekwa ku hekulu,” Erastus a ti ngaaka.

Erastus okwa ti oku za mpoka okwa li a fala omwana koshipangelo nomutamanekwa okwa li wo a falwa koshipangelo hoka ali a zimine kutya oye shili a longele okanona iilonga yiihuna.

Erastus sho eli nomufekelwa okuli nomumwayina a valwa kuhe yimwe ashike ooyina oya yooloka.

“Okuza esiku ndyoka okamwandje ka kwata onkonga oka kala nokuza iinima iitokele mbyoka ngaa ya kala nokulimbilika sigo Osoondoha yoshiwike shika,” omuvali a ti ngaaka.

Ta gewdha po kutya okuza esiku ndyoka oshiningwanima sha ningwa okamatyona hoka ngashingeyi keli omutamanekwa okwali ka lundululwamo megumbo moka.

 

LEAVE A REPLY

Please enter your comment!
Please enter your name here