Matheus okwa hala oosikola dhi itule movoley

0
299

 

ONGWEDIVA – Omupresitende gwehangano lyuudhano woVolleyball Joel Matheus, oku wete uudhano mbuka ta wu liwa oshipungo moshilongo sho wa talika inaau simana koyendji.

Ndhika Joel Matheus okwe dhi popi sho a li moonkundathana nomutoolinkundana gwaKundana, pethimbo a li metalelopo lye kiitopolwa yokoNooli omwedhi gwa ziko.

Joel okwa ti oshinima shika, ongongahangano yuudhano woVolleyball  oye  shi ndhidhilika noshi li shimwe shomiilalakanenwa yawo yopombanda. Ta tsikile ko ta ti, oye na ekwatathano ewaanawa nolutu luudhano waanasikola (NSSU) noya longekidha iikonga yoku hwahwameka aanasikola opo ya kuthe ombinga muudhano mbuka.

Okwa ti methimbo lyongashingeyi oosikola odhindji moshilongo ihadhi dhana wee uudhano mbuka naashika otashi tula onakuyiwa yuudhano woVolleyball moshiponga.

“Osipana yetu yopashigwana ota yi ende ta yi shongola, oshoka ka yi na mpoka ta yi kutha aadhani aape ya pyokoka nawa, shika oshe etwa kokamwaalu ashike okashona kaanaskola haka kutha ombinga muudhano mbuka mo moosikola omo ashike hamu zi iitalenti ta yi vulu oku ya sigo okosipana yopashigwana”.

Joel ta tsikile ko ta ti” kakele kiikonga yoku hwahwameka aanasikola yamwe kaye hole etanga lyokomake, opu na wo opoloholama ndjoka ya tseyika nawa koyendji African Dream Project ndjoka ta yi humu nawa komeho okudheula oohembumbangele miitopolwa ya yooloka moshilongo noku yapa ontseyo muudhano mbuka.

Okwa ti okwa hala opo andola osikola kehe yi kale hayi dhana uudhano mbuka, ta ti uudhano mbuka inawu pumbwa ehala enene oshoka ohawu dhanenwa pokahala okashona wo inawu pumbwa iilongitho oyindji.

Okwa ti otaya ka longekidha wo omadheulo gaalongisikola mboka taya ka kwatela komeho uudhano mbuka moosikola moshilongo.

Okwa kumike aavali opo ya pe uunona wa wo ompito opo wu kuthe ombinga muudhano mbuka oshoka kamuna omayehamo ogendji oshoka kamuna omaingwandjagulo ogendji okuyeleka nuudhano wulwe.

Joel ota kombo kombunda ewiliko lyuudhano woVolleyball koNooli sho lyali lyalongo nuudhiginini omimvo dha piti nokuyambulapo ondondo yoVolleyball miitopolwa.

Caption (Pic: President.jpg): Joel Matheus Omupresitende gwongonga hangano yuudhano woVolleyball moNamibia mokambindja okatokele a thanekwa pamwe na Mwita Sikop omunashipundi guudhano mbuka koNooli

LEAVE A REPLY

Please enter your comment!
Please enter your name here