Sharoscar noongalo dhopambepo

0
229

 

ONAYENA –  Omwiimbi omuNamibia ngoka hi imbi oongalo nenge oondjimbo dhopambepo natango ota pula komeho. Taimi ‘Sharoscar’ Shishaki okakadhona koomvula dhopokati, ngashingeyi ota shanga manga ekonakono lyondondo onti-12  mosekundeskola yaNehale mOnayena.

Sharoscar okwa ti okwa kala ena ehalo opo a tameke okwiimba oongalo dhopambepo ashike ina kala ena ondjila kutya ote ende ngiini. Okwali a imbi okangalo ke kotango hono ta ti oke mu pe omukumo kutya nani ota vulu okwiimba ngaashi aaNamibia oo yakwawo mboka yeli mehangano lyaahikingalo.

“ Ondina edhiladhilo opo ndi pitithe oalbuma yandje ndjono tayi kala yina uungalo wuli 12, ashike otandi nyengwa koshimaliwa opo ndi vule ndi pitithe oalbuma yandje ndjika nda popi metetekelo, nonande tandi nyengwa koshimaliwa ngaashingeyi onda shangapo wumwe womuungalo wandje mboka nda dhiladhila tawu ka kala moalbuma ndjika no wuli uhetatu nda shangapo manga,” Sharoscar ta ti ngaaka.

Omwiimbi nguno ota ti oongalo dhe otadhi popi kombinga yoohapu dhaKalunga ndhono tadhi longo,tadhi pukulula, tadhi hungu oomwenyo dhaamboka ya tyololoka no tadhi popi ethimbo lyongaashingeyi ndyoka edhigu no tali pumbwa eidhidhimiko. Ta ti oohapu odhindji ndhoka tadhi adhika muungalo we odha za mombiimbeli, no moongalo odhindji ota popi mo kombinga yonkalo niiningwanima yethimbo lyonena.

“Onda hala opo ndi lundulule omitima dhoyendji yo ya mone kutya nani mokwiimba oongalo dhopambepo oto vulu oku hungwa uuna wa pulakena ke tumwalaka ndyoka li limo, otandi kumagidha opo kehe ngoka ena omutengi omudhigu egu gandje ku Kalunga ye a kale aluhe ta galikana , oshoka omitenge ndhoka, ya humbata omidhigu otadhi ka ningwa omipu ngele yena eitaalo,” Sharosca ta ti ngaaka.

Muungalo we owundji okwi imba oye awike nonande ta ti ota ka kwathelwa ku Simey ngono naye omuhikingalo oshowo Fillemon. Ta indile aaNamibia mboka yena ehalo opo ye mu yambidhidhe a vule oku pititha oalbuma ye, yo yi pwilikinwe koyendji noku kuthamo woo etumwalaka ndyoka tali adhikamo.

LEAVE A REPLY

Please enter your comment!
Please enter your name here