Etondoko lyomile yErongo Powersave  ehuliloshiwike ndika

0
219

 

Windhoek-Aakalimo  yOmaruru  ehuliloshiwke ndika otaya tala uudhano wokumatuka uuwanawa sho uudhano wokutondoka wedhina Erongo Powersave Road Mile tau ka matukwa moshilando shoka kaatondoki ya za komahala ga yooloka oshowo puushiinda wetu poBotswana .

Uudhano mbuka otau dhanwa oshikando oshititatu Olyomakya ndjika moka aamatuki ta ya ka tondoka oshinano shokilometa yimwe konyala netata.

Muudhano mbuka wa tamekele oshikando shotango naatondoki yevule omathele 400  oshowo oshikando oshitiyali naatondoki yeli konyala pomathele ga 610 molweetho nduka mbuka owa tegelela aakuthimbinga yeli lwopomathele 700 , naalongekidhi yawo oya koleke kutya aatondoki yokolela yaza koBotswana nayo ota yeya, ya kuthombinga muwo.

Uudhano mbuka owa koko noonkondo nuumvo , naashika otashi gandjelwa olupandu komunambelewa gomaudhano moshitopolwa Erongo, Berthold Karumendu, ngoka a kongo aakwashilipaleki oyendji opo wo yo ya kwathele moku kwashilipaleka uudhano mbuka noondjambi dha yooloka.

Nuumvo aakwashilipaleki yo, Shield Namibia, Namibia Breweries kohi yedhina  Windhoek Light, Pasta Polana na Marathon Sugar oya hangana nokutula kumwe omake gawo opo ya opaleke uudhano mbuka wu kale tau dhimbulukiwa koyendji sho ye etapo ekwashilipaleko lyomwaalu gwongushu yoodola omayovi konyala N$145 000.

Aasindani miitopolwa ya yooloka otaya ka sindana oondjambi dhili nawa. Aasindani aalumentu oshowo aakiintu mongundu yaakuluntu kohi yomimvo 20-39 otaya ka sindana oodola N$5 000  omutiyali omayovi gatatu omutitatu omayovi gaali.

Aatondoki aalumentu nenge aakiintu mongundu yomimvo dhokohi 14-19 omusindani gotango ota mono N$3 000 omutiyali nomutitatu N$2 000 oshowo N$1 000.  Aatondoki yomimvo kohi (U/40-49), aalumentu nenge aakiintu otaya pewa N$3 000 omanga omutiyali nomutitatu taya pewa N$2 000 oshowo N$1 000.

Aatondoki aakokele aalumentu nenge aakiintu okuza pomimvo (50 okuya pombanda , yatatu mboka taya holoka tango otaya pewa N$1 500, N$1 000 oshowo N$700 melandulathano ndyoka okuza ku gwotango  sigo omutitatu.

LEAVE A REPLY

Please enter your comment!
Please enter your name here