Hem okwiipatana ondjo metomeko lyoshihauto

0
565

 

WINDHOEK-Onkulungu mokukonda oonguwo niizalomwa a tseyika nawa okwa ti ye kena ondjo metamaneko lyokukotokela.

Hambeleleni Matsi ngoka a tseyika nawa nedhina Hem okwa ti kena ondjo metamaneko ndyoka sho a li holoka komeho gompangu yamangestalata gwaVenduka oshiwike shayi.

Ota tamanekelwa ekotokelo oshowo oku ya ompango moshipala, sho ta fekelwa anuwa a longele pamwe naantu yontumba okufikapo ohauto ye opo a vule okupulako iimaliwa yekwashilipaleko lyongushu yoodola omayovi N$75 000.

Matsi okwa li a tulwa miipandeko mu Desemba omumvogu nokwa li a mangululwa konima yoku ifutilamo mondholongo noodola omayovi gatano.

Pethimbo onkulungu ndjika yiizalomwa ya kwatelwe mu Desemba gwaziko okwa li kwa lopotwa kutya omufekelwa omutiyali ota ka kwatwapo, ihe sigo onena ndjika kape shiwike ngele opena na we gumwe a kwatwa mekwatathano noshinima shika shekengelelo.

Omukondi gwoonduyo nguka ta ti kena ondjo metamaneko ndyoka sho a holokele olutiyali mohofa omasiku ngaka, a kalelwapo komutseyimpango Willem Visser.

“Ngame otandi ti kandina ondjo” osho a yamukula sho a fatululilwa omatamaneko ge.

Visser okwa lombwele ompangu kutya yo ita ya fatulula kutya omatompelo geipopilo lyawo ogo geni. Oshipotha shika oshuundulilwa komasiku ga 7 ga Maalitsa omumvo tu uka, omanga kwa tegelelwa etokolo lyOmutamaneki Ndjayi okupopya kutya otaku tsikilwa ngiini niihokolola mbika.

Matsi onkulungu mokukonda nokushitapo omizalo noonguyo oshowo ye omunongo muunamiti paithano. Okwa kondapo oonguwo dholudhi lwemwene kohi yedhina Hemline. Okukonda nokushita oonguwo okwe ku tamekele omimvo ntano dhapiti sha fa uudhano , ndele, mepathimo lyeho oshinyangadhalwa shika osha koko nokuninga ongeshefa ya thikama kuyo yene.

 

LEAVE A REPLY

Please enter your comment!
Please enter your name here