Iilonga yomatungo oyo ta yi longitha iimaliwa oyindji moKhomas

0
346

Nonando iilonga yomatungo nokutunga oyo ya taamba oshipambu oshinene shiimaliwa ya thanekelwa eyokomeho moshitopolwa sha Khomas, aakayili yuufalata nenge oombasikela inaya dhimbiwa. Aahingi yuuthanguthangu oshowo aalondi yuumbasikela yaVenduka  otaya ka kala ya nyanyukwa konkundana kutya oshipambu shomutengenekothaneko gOshikondo Shiilonga nIiyenditho moshitopolwa shika otagu ka longithwa okutulapo oondjila dhuumbasikela oshowo iiyenditho yilwe mbyoka ihaa yi longitha omahooli.

Oshikondo shika osha tulapo oodola oomilliona ntano  nuumvo  okutameka okutunga oondjila dhuufalata moshilandopangelo.

Okwa thanekwa ishewe ku tungwe olutenda lweshina lyaafaalelwa unene tuu aakalimo yaVenduka nuumvo.Oshikondo shIiyenditho osha ti  otashi ka ninga omakonakono  kombinga yoku etapo iilonga yeshina lyokolutenda ndyoka tali kala hali fala aafaalelwa okuza koKatutura oku ya kiilonga mondingandinga yaVenduka oshowo okufala mboka ko ma hala galwe miitopolwa yilwe moVenduka. Eshina lyaafaalelwa olya thanekwa okukala li na olutenda luule wookilometa omilongo ne.

Omwaalu omukwawo gwiikalekelwa mwaanguka  oongoka gwoodola dhivule oomilliona omayovi gomathele N$ 500.Mbika oya nuninwa okuopaleka oondjila dholutenda, okuninga omakonakono ngele otashi vulika iilonga mbika yi ye komeho nenge ahawe.Oshikondo otashi ningi wo omakonakono okutulapo iilonga yeshina pokati koVenduka na Hosea Kutako Airport. Lumwe otalu thanekwa lu tungwe pokati koVenduka noRehoboth oshowo pokati ka Venduka nOkahandja.

Ihe iimaliwa oyindji yomiimaliwa oobilliona mbali oshinkwanu heyali  ota yi longithwa okutunga moshitopolwa sha Khomas. Iilonga yomatungo mbika  oya kwatelamo etungo lyombelewa  ontiyali yOmuprima Minista, okuhwepopeka egameno lyoshilongo, etungo lyoparliamende ompe, omatungo gopolisi mwakwatelwa osasiona ompe yopolisi pOmbili molukanda lwiipeleki  lwa Babylon oshowo omagumbo gaapolisi.

Miilonga mbika omwakwatelwa wo mbyoka yetungo lyoseko ya Acasia Secondary School, oseko yOtjomuise Secondary School, oprimasikola ya Havana, oshowo okunenepeka noku opalekulula omatungo giikondo yi ili noyili moshilandopangelo.

Epungulo limwe lya simana nenge omwaalu gumwe goshimaliwa otagu ka longithwa okutulapo ehala  etiyali lyokulonga olusheno okulu gandja koshilando sha Venduka. Ehala ndika okwa tengenekwa tali ka kuthapo oodola oomilliona 73 lwaampoka. Omwaalu nguno ogwi itulilwa kOshikondo sheyokomeho miilando nOkomikunda. Okupalamena onkalo yompumbwe yomeya moshilando Oshikondo Shuunamapya nOmeya osha thaneka okulongitha oodola oomilliona 13 oku udhitha oonzo dhomeya dha Venduka.

Omanga Oshikondo shelundululo lyevi otashi ka longitha oodola oomilliona N$100 okulanda evi oshowo oomilliona ntano  moluumwene wevi .

LEAVE A REPLY

Please enter your comment!
Please enter your name here