Kaluwapa asile momeya

0
483

 

OSHAKATI – Opolisi yoshitukulwa shaShana otayi konaakona eso lyombaadhilila lyomunamimvo 69  Martin Thomas Kaluwapa  iitsuwa kombanda yomeya metale ongula onene oshiwike shika momukunda Oshimbangu gu li popepi nOshakati. Ehokololo ndika olya kolekwa komukulunntu gwopolisi yoshitukulwa shaShana kommissina Rauha Amwele.

Amwele okwa ti, nakusa Kaluwapa okwi ihulu okumonika mEtiyali lwopotundi onti-18H00, puundingosho mpoka a zi po ando u uka kegumbo lye li li popepi nuukamba momukunda moka. Yaandjawo mboka yi igilila iha tokelelwa shito, sho ya mono inaa thika sigo kwa toko, oya kwatwa komalimbiliko. Omukuluntu gwopolisi yoshitukulwa shaShana ta holola kutya, omwana Johannes naanegumbo, oya tameke ku mu konga nomanga taye ende petale lyopomudhingoloko oya mono omuntu e li kombanda yomeya metale lyaMuzile momukunda Oshimbangu. Oya dhimbulula kutya ohe ngu taya kongo.

Johannes ngoka ha longo mehangano lyoAVBOB mOshakati, mbalambala okwa tseyitile opolisi ndjoka ye ya oku kutha mo omudhimba gwanakusa he. Iikutu ya nakusa oya adhika pooha dhetale. Mbika oya kwatela mo okambindja, ombulukweya yoJean, epaya, okandjato kiimaliwa, ocellphone, omakende gomuzile, ekende lyombiila  yomukonyo inali patuluka nondhimbo, ya adhika yi li okanano kashona okuthika pomeya.

Omukuluntu gwopolisi okwa ti nakusa Kaluwapa ina monika oshilalo nekonaakono lyopolisi otali tsikile.

LEAVE A REPLY

Please enter your comment!
Please enter your name here