Namholoh a kumagidha aapolisi yiihumbate nawa

0
344

 

EENHANA-Minista gwoshikondo shopolisi negameno, Charles Namholo okwa ti  aapolisi mboka haya tumwa ya ka longe kiilongo yopondje oha ya tindileko omanga yamwe ha ya kondjeleko.

Minista okwa popin dhika mOmaandaha goshiwike shika pEenhana hoka a li a popitha aapolisi ayehe yomoshitopolwa shaHangwena.

Namholo okwa ti ota shi lengitha  sho aakalekipo yombili naagameni yoshilongo yamwe taya kondjele oku ka longa iilonga yopondje mbyoka ha yi futwa oS&T omanga kaa ye na ethimbo lyoku kondjela iilonga yomeni lyoshilongo.

Okwa tseyitha kutya  ngashingeyi kapena omupolisi taka pitikwa aye kondje yoshilongo inaa mana iilonga mbyoka a inekelelwa unene ngaa mboka haya konaakona omapeko giimbuluma.

Okwa li woo a ti aapolisi naa ya ilonge okulya nawa mokati kaantu oshoka anuwa ohaya kutha iiyaha yuudha iikulya epitilila mokati koshigwana shoka tashi sithohoni nepopiwo lyonayi .

Namholo okwa uvithwa nayi kaapolisi mboka haya yonagula omahauto ngoka ganuninwa iilonga yopolisi ta ti kutya ngashingeyi epangelo olina oku katuka onkatu opo kehe ngoka taka hinga ohauto yopolisi a kale a pewa ombapila yopolisi ashike kashishi koNatis.

Okwa ti kehe ngoka ta ka adhika a yonagula ohauto yopolisi ota ka kuthwa oonkondo nhoka dhokuhinga omahauto ngoka.

Ashike minista oye tuu ngoka okwa ti okwa haluka sho a mono kutya yamwe yomaapolisi ota ya lala momahala moka mwali hamu tulwa omidhimba nale.

Okwati shika oshe mu halutha noonkondo na kashili mondjila oku langeka omuntu mukweni mondunda yomidhimba.

Okwa hokolola kutya omukundu nguka otagu kandulwa po ashike ngele omahauto ga kwatwa nawa opo olweetho ta lu landula lwoshimaliwa shi longithwe okutunga oondunda dhaapolisi dhokulala.

Okwa kumagidha woo aapolisi ya kale yena esimaneko mokati koshigwana yo ya hulithe po woo ombepo yo ku tumina uutumwalaka uufupi kiifo kundaneki tawu nyana aapolisi aakuluntu noshowo iinima yomopolisi.

LEAVE A REPLY

Please enter your comment!
Please enter your name here