Nghidengwa natango ota shanga uunamambo

0
423

 

ONAMISHU – Omulumentu goomvula dhopokati ota kambadhala opo a adhe dhimwe dhomoondjodhi dhe. Phillipus Nghidengwa omvalele yomomukunda Eyambeko mOnamishu okuna elalakano opo a gandje etumwalaka ndyoka lili momishangwa.

Nghidengwa ngono eli omunyoli gomambo pethimbo ndino okuna okambo kapwa okushangwa taka ithanwa Natangwe ya Shiyelekeni,taka popi kombinga yuutenya,oondjokana, elongo nuuteku.

“Pethimbo ndali omushona onda kala nda kwatwa kehalo opo ndi kale handi shanga omambo mono tandi gandja etumwalaka kaaNamibia ayehe,enenedhiladhilo okulonga nokupukulula unene aagundjuka  mboka yeli moosikola, moongeleka moshigwana oshowo okunkondopeka aakuluntu nokuhwahwameka ekwatathano nuukuume wakwalukehe moshigwana,” Nghidengwa ta ti.

Okambo hano okeli Melaka lyOshiwambo noka pula ethimbo lyuule woomwedhi ndatu (3) opo eka tule poshitaafula kapwa ku opalekwa noku shangwa. Ta ti kashishi naanaa oshipu okushanga omambo oshoka ohashi mu pula unene oshimaliwa oshindji opo a kale a mana okushanga okambo, nonande ta ti omuna omashongo ogendji itasi uunye ota kambadhala ngaashi ta vulu a kale a mona ekwatho ye a gandje etumwalaka moshigwana.

Nghidengwa ngashingeyi okuli kOvenduka hono ta kongo omayambidhidho a vule oku mana uumbo we mboka  iipyakidhila nawo pethimbo ndi. Okwa shanga natango wumwe womuumbo we mbono wa tegelelwa okudhindwa wo wuye moshigwana. Wumwe womuumbo mboka ta shanga ongaashi  Tetekela shii ya Mwanongela na Nashiningwe wo kEyambeko.

“Out li muuyuni mono aagundjuka inaa ya hala oku landula omalongo oshowo omapukululo gaakuluntu, nondi wete kutya ngele oya kala nokulesha uunamambo womaludhi otaya kuthamo ngaa etumwalaka yo ya lundulule omaihumbato gawo, aakuluntu yetu oyo omatungwa gasiikilila ombepo ngele ta yetu pukulula natu landule omapukululo tse tu kale aagundjuka aavuliki,” Nghidengwa ta gwedhapo ngaaka.

Ta tsikileko ta ti okwa pewa oshitalenti shokushanga omambo nokwa hala e shi landule ye a kale nokushanga uunamambo owundji ngaashi tashi vulika. Ta ti okwa tegelela omadhiladhilo nomayambidhidho kehe ngoka a pumbwa. Okwa indile kehe ngoka u uvite elaka lyoshiwambo a kale a lesha kamwe komuunamambo we, ye a leshe etumwalaka ndyoka tali adhikamo, pamwe ta kuthamo ngaa iitya iyali itatu mbyoka tayi mu tungu monkalamwenyo ye.

 

LEAVE A REPLY

Please enter your comment!
Please enter your name here