Okanona nayinakulu ya kwatwa koonkondo

0
470

 

ONYAANYA – Omukulukadhi goomvula 59 omukalimo gomOnyaanya okwali a kwatwa koonkondo pamwe nokatekulu kokakadhona kena oomvula mbali. Oshiningwanima shika oshali sha ningwa uusiku wokupendukila Etitano lya yi puundingosho hawu ithanwa Oniipugulu momudhingoloko gwaNyaanya.

Omukiintu ngono taku hokololwa a kala megumbo nokatekulu ke, ye okuna uunkundi womomadhiladhilo okwa li a ka shinga puundingosho mpoka ayi nokatekulu ngaashi he ningi shito. Pamahokololo ethimbo sho lya toko ina ya vula we okuya kegumbo, oya li ya yi muundjugo wumwe wostola ndjoka yili puundunda mpoka.

“Otwa li twayi mokandjugo moka nokatekulu kandje tse tu vululukwepo tu tsikile nawa ondjila tu ye kegumbo, ondali ndu uvu omweelo tagu inyenge nani omuntu ta piti momweelo gokandjugo hoka. Okwa thikile ta kwata ndje, noku undulilandje pondje, onda kala te kugu ashike inandi mona ekwatho molwaashoka okwali uusiku, omulumentu nguno okwa hulandje eta kwatandje koonkondo, nonande ndali tandi kondjitha okwa tonondje oonkondo noku longa iilonga ye,” omukiintu nguka ta ti ngaaka.

Ta gwedhapo kutya omulumentu nguka inaa dhimbulula kutya olye oshoka okwali kuna omilema, sho anuwa a mana iilonga ye okwali ayi nokatekulu ke hoka kokakadhona nokwali eka galula ashike konima yethimbo, ta ti konima yaambika sho ya longwa okwali a ningi onkambadhala a hadhukepo ye a ka popilwe, okwa li a ka lala megumbo lyopuushiinda ye a tege ongula kushe.

Gumwe gomwaambo ya gwedhapo pehokololo okwa ti nonande yali ya dhengele opolisi yaKatope ka yali ya holoka mbala opo ando yiye yi tale shoka sha ningwapo. Okaana sho kali ka falwa koshipangelo okali woo ka monika kutya nako oka kwatwa koonkondo nokali ka pewa ekwatho lyomeendelelo.

Naku kwata omukulupe nguka koonkondo nokatetulu ke ina monika natango, aanamukunda nande yali taya talatala ompadhi nokuyi landula kayali ya monopo sha. Mpoka pwa ningilwa oshiningwanima shika opwali puna omankalu, tapu ulike kutya opwali aantu taya kondjo lela.

LEAVE A REPLY

Please enter your comment!
Please enter your name here