Oliha yopevi koNorth West otayi tameke ngula

0
231

 

OSHAKATI – Oliha ndjoka yili osheelo shoosipana dhoka hadhi dhana mooliha dhopevi moshilongo, yiitopolwa yokoNooli otayi tameke nolweetho lwotango ehuuliloshiwike ndika moka omakondombolo taga kalya ehete opo ku talike kutya olye ngoka ta ka kakalelapo iitopolwa yokoNooli moliha yopombanda moshilongo.

Ongwediva City osipana ompe methigathano ndika otayi ka dhika onkalamwenyo yayo ompe methigathano ndika netalelopo kodoolopa ya Outjo hoka taya ka taalela osipana ndjoka yali yeya pehala etiyali omumvo gwazako Golden Bees pokapale Etosha Poort Stadium potudi 17h00 ngula molyomakaya, omanga mSoodaha taya ka inika komakombo na Black Africa Warriors pokapale oko tuu hoka ko Etosha Poort Stadium.

Osipana onkulu methigathano ndjika Onambula United otayi kiikwata nosipana yo KK Palace poTsandi otundi onti-15h00, muudhano mboka wa tegelelwa wuka kale uunene oshoka oosipana ndhika ihadhi tsu  dhi thithe.

Osipana yo Golden Bigs nayo ota yi ka ya molweendo okuya ko Outjo moka tayi ki ikwata no Black Africa Warriors ongula potundi onti 15h00 pokapale Etosha Poort Stadium omanga moSoondaha otaya kaya mondambo no Golden Bees.

Oliha ndjika oya tegelelwa koyendji oshoka ethigathano olili pombanda shinene na ehalo lyoyendji olyo ndyoka kutya andola mu ze natango osipana yokoNooli yi ka dhane kopremier liha omvula tayi ya yi ka gwedhe osipana yo Young Chiefs ndjoka yali ya sindanapo oliha ndjika omvula yazako nokwiilikolela okatekete kokudhana moliha yopombanda.

LEAVE A REPLY

Please enter your comment!
Please enter your name here