Omukuluntuskola iifutile mo modholongo

0
276

 

ONGWEDIVA- Omukuluntu gwosikola yedhina Onamulunga Primary school,    Tauno Uugwanga Hambeleleni (44) okwali a pewa omboloha yoondola N$1 500 sho ali a kwatwa nonyama yiiyamakuti yili 12 oshiwike sha ziko.

Hambeleleni okwali a kwatwa pamwe na Samuel Shimufeleni  gwomimvo omilongo 41, omuopaleki posikola mpoka, Leornard Shitaleni , gwomimvo 33, omukwashigwana gwokOmuthiya , noshowo Efraimi Shoopala omulithi gwoongombe dha Uugwanga ngoka omukuluntusikola.

Aafekelwa ayehe mbaka oya pewa omboloha yiimaliwa mbyoka ya tumbulwa pombanda.

Mbaka oyali ya kwatwa nuupundja, oondhila noshowo iiyamakuti yiili no yi ili.

Oyali ya landulwa kopolisi okuza kEtosha hoka ya za niiyamakuti sigo opo sikola mpoka ya a dhika taya ye yi yuyu nale.

Opolisi oyali ya nothelwa ko koonzo dhawo dhomaulele kutya opwa li puna omitopelo dhondjembo popepi nEtosha.

Oya holoka mompangu ya mangistrata mOshakati noshipotha shawo osha undulilwa komomasiku geli 07 ga Desemba moka taya ka holoka ishewe.

Moshipotha sha yooloka Elifas Shoombe Shaanika gwokomukunda Elondo mUukwaluudhi okuli woo naye konima ye kumba sho a adhika nomayego goondjamba ngoka ga adhika ga holekwa mondunda ye kohi yiikutu mbyoka ya kulupa.

Shaanika okwa kwatelwa mOndangwa poService yomahooli yedhina Okapana service Station.

Okwa holoka mompangu mOndangwa moka a li a tindilwa omboloha noshipotha she osha unduliwa komasiku 17 ga Novemba nuumvo.

LEAVE A REPLY

Please enter your comment!
Please enter your name here