Oshituthi shaVenduka sho Jazz oshiwike tu uka

0
313

 

Aalongekidhi yoshituthi shoongalo dho Jazz shaVenduka oyi ipyakidhila oku etapo iinyangadhalwa oyindji omanga shika inaashi thikana oshiwike tashiya. Otaya ningi omalongekidho ngaka opo aapulakeni yomusiki ndjika ya vule okumona ongushu yiimaliwa yawo.

Kakele kaahiki yoongalo dho Jazz mboka ya tegelelwa , poshituthi shika otapu ka kala oshindji sha kehe gumwe.

Aalongekidhi oya ti otapa kala okahala mpoka aatali taya ithaneke yoyene, pethimbo taya piti pomweelo okuya meni lyehala mpoka tapa dhanenwa oongalo ndhika. Omathano ngaka yi ithaneka yo yene otaye ga tula ko intaneta. Oshikwawo aatali yomusika ndjika otaya vulu wo okutuma osms, ndjoka tayi kala noku ulikwa koscreen yo tvee onene, momatumwalaka ngaka aantu oya pitikwa okupopitha omahewa gawo go omatumwalaka ngoka taga holoka pevi lyoscreena yo TV.Naashika osha tegelelwa shika  ninge oshituthi shika shimwe sho mwaambyoka itaa yi ka dhimbiwa.

“Ota tu ka longekidha nawa moku soshimpwiyu kutya  oshituthi shika otashi kala shuudha omwenyo.” Pahapu dha Saara Iipinge, gwokoCyber Communications.

Aaholi yo Jazz oyendji oya nyanyukwa shoka yu uvu kutya omuhiki gomusiki ndjika, a simana ye ishewe omushangi, omwiimbi nomudhengi gwoshiketala omuSouth Africa, Jonathan Butler oshowo omuSouth Africa Motswako MC,Hip Hop Pansula (HHP),oyo aayenda poshiithanene shika.

“Ngame kandi shiwo naanaa ngele otandi ka kalapo poshiithanene shoka. Ondina oku tokola natango. Ondi inekela aalongekidhi otaya ka gwanithapo shoka tse twa tegamena oku za kuyo” Esmee Kooper osho a ti.

Gabriel Munika okwa ti ye okwa li a tyapula nawa omauliko go jazz omumvo gwayi  na okwa tegamena oku ka ya ishewe kwaandjoka yonuumvo, oshoka ndjika ohayi kala aluhe yi li nawa no ku nyanyudha unene.

“Yamwe yomoonkulungu ndhoka dhi ithanwa kandi yashi , ihe nando ongaaka oshituthi shika oshimwe oshinene moshilongo onkene okushipalutha kashishi oshinima oshiwanawa nando.”  Munika a ti,.

Omuholi gwoshituthi shika gumwe , Chemical Chemi okwa gwedhapo a ti ye opo ta kakala poshituthi shoka pwaana ngoka te mu indikepo.

Oshituthi shika shoongalo dho jazz itaashi  pewathanwa nonuumvo otashi ka ningilwa pokapale kuudhano wo Rugby moVenduka Olyomakaya gomasiku 24 Kotoba nuumvo, oku tameka potundi 15 h00 komatango.

Oonkulungu ooNamibia ndhoka tadhi kiimba poshituthi shika ongaashi Fu Jazz All Stars,  omwiimbi omuNamibia oshowo omushangi gwoondjimbo Lise Ehlers, Neo Soul ,Funk musicians, Sean K, Namibian singers/songwriters, Dixon na Zen-Zo.

Oshinyangadhalwa shika osha longekidhwa Kewiliko lya Windhoek melongelokumwe na Windhoek Lager, Air Namibia, 99 FM, Jameson no adforce.

Uutekete okuyamo mokapale owo oodola 250 tau adhika ashike poComputicket oshilongo ashihe.Kapena uutekete tau ka landithwa pomweelo.

LEAVE A REPLY

Please enter your comment!
Please enter your name here