OTennis yaShana oya longa nawa methigathano lyaFNB

0
341

 

ONGWEDIVA – Methigatnao ndyoka lyali koshilandopangelo ehuliloshiwike lyazako, Oshana oshali sha kumitha oyendji sho sha dhengemo oosikola oonkulu methigathano ndika nokuya kedhingoloko etiyali lyahugunina nando opo sheyamo muudhano mbuka.

Omudheuli gosipana ndjika nomvalele ya Zimbambwe James Ndlovu okwati nando oyali ashike yena okathimbo okashona oku muna iitalenti okuza moosikola dhomOshana oya li ye shi pondola okulonga nawa ngaaka. Okwa ti oyendji yaanona mbaka kayali yena nando ontseyo yuudhano woTennis oshoka mbuka ihawu dhanwa koosikola odhindji dhokoNooli.

Okwa ti oya li ya faalele oosipana ndatu dhaanona yeli kohi yomimvo 10, 12 na 14, moka osipana yaanona yeli kohi yomimvo 14 yali yadhana nawa na oyali yi ilikolele ehala etitatu na oyali ya dhengemo oosipana dhoka dhina uunona waza koosikola dhina omuthigululwakalo guudhano mbuka.

Ndlovu okwa ti oshitopolwa shaShana opamwe niitopolwa iikwawo oyina iitalenti nuunona owundji owuna ehalo oku kutha ombinga momaudhano goTennis ashike ompumbwe yuupale otayi shunitha omuthika guudhano mbuka pevi.

Ota indile uuministeli womawudhano opo wu opaleke uupale woTennis mOngediva nOshakati mboka pethimbo ndika wuli monkalo yanyayika noonkondo na itawu vulu okulongithwa nawa.

Ota gandja olupandu ku FNB sho ali afutu olweendo lwawo okuya kOvenduka nosho wo omulalo gwaadhani pethimbo ya li taya kutha ombinga methigathano ndika lyoosikola.

Okwa kombo wo kombunda ongongahangano yuudhano woosikola NSSU sho yali ya gandja uunona okuza koosikola opo wu ka kuthe ombinga momawudhano goTennis.

Anasikola oyali yazi moosikola ngaashi Mweshipandeka, Mauritz Devenish, Kleine Kuppe, Integrit,no Ongwediva Junior.

LEAVE A REPLY

Please enter your comment!
Please enter your name here