Mr Rhee a galuka nokavidio Okapi

0
336

 

WINDHOEK – Nakulwa omukulu moongalo dhopamuthigululwakalo gwedhina Richard Shikongo, a tseyika nawa Mr Rhee, osho a galuka nokangalo ke okape hoka kena nale nokuli okavidio ka ko ta ka inyenge nawa meni, nopondje yoshilongo.

Mr Rhee okwa ti ongalo ndjika yedhina “No Hard Feelings” okwe yi pititha opo aaholi yoongalo dhe ye ka pulakene  manga oalubuma ye tayi piti pehulilo lyomvula ndjika. Okavidio haka kathaanekwa kehangano lyo AMG Media, ndyoka lya Maya Neto naAntonio Dragan, ota ka hokolola nkene aantu yena oku kuthako onkalamwenyo nuupu momathimbo ngaka omadhigu.

“Oya hala ashike okupopya kutya nande owu na uudhigu kaapena ngoka teku kwatha ethimbo ndyoka, omukwathi gwoye okuli ashike mondjila,” Mr Rhee ta ti. Ongalo oya ningwa omikwelengendjo ku Mr Rhee yemwene na M-Jay. “Okavidio ota ka inyenge nawa naaholi yoongalo dhandje oya dhengele ndje, ta ya lombwele ndje nkene nda huma komeho ngele tashiya mokwiimba kwandje,” Mr Rhee ta ti.

Mr Rhee oye omuhikingalo ngoka a tseyika nawa noalubuma ye Omake, yapitile omvula yaziko noyali yataambiwako nawa koyendji. Omayimbilo ngaashi Omake, Never Give Up ogamwe gali ganyanyudha aapulakeni oyendji.

Mr Rhee okwa ti Omake oalubuma ndjoka ta yi popi notayi holola uushiili womuntu. “Onda tala ishewe kombinga yaanangeshefa opo ya lande oalubuma ndjika yo yatule momalyukulyuku gawo,” Mr Rhee ta gwedhapo.

LEAVE A REPLY

Please enter your comment!
Please enter your name here